Don't Miss!
- Finance 7.50 லட்சம் கோடி ரூபாயை நிதி திரட்டும் மத்திய அரசு.. எதற்காக தெரியுமா..?
- Lifestyle 1000 ஆண்டுகளுக்கு முன் ஒரே இரவில் சர்ஜிக்கல் தாக்குதல் நடத்தி ஒரு நாட்டையே வென்ற தமிழ் அரசர்... யார் தெரியுமா?
- News "மகளிர் உரிமை தொகை வரல.." அமைச்சரை பேச விடாமல் நிறுத்திய பெண்.. மேடையில் அடுத்து நடந்த பரபர சம்பவம்
- Automobiles அடி மாட்டு விலைக்கு எலெக்ட்ரிக் காரை களமிறக்கும் மாருதி! பெட்டி கடைல வெத்தல, பாக்கு விக்கற மாதிரி விக்க போகுது
- Sports ரோகித்.. ரோகித் என கத்திய ரசிகர்கள்.. ஓங்கி ஒரு அடி விட்ட ஹர்திக் பாண்டியா - வீடியோ
- Technology குசும்பன்யா இந்த Samsung.. மாஸ் 5G போனை ரூ.10,000 விலையில் விற்பனை.. எந்த மாடல்? எப்போ வாங்கலாம்?
- Travel 2050 வருஷம் வருறதுக்குள்ள உலகத்துல உள்ள இந்த அழகான இடங்கள் எல்லாம் கடலுக்குள்ள போயிடுமாம்!
- Education ஆஸ்திரேலியாவில் உயர்கல்வி பயில இந்திய மாணவர்கள் விரும்புவது ஏன்?
மீண்டும் கமல், ஸ்ரீதேவி ஜோடி
கிட்டத்தட்ட 17 வருடங்களுக்குப் பிறகு கமல்ஹாசனும், ஸ்ரீதேவியும் பி.வாசுவின் படம் மூலம் இணையவுள்ளனர்.
தமிழ் சினிமாவில் ரசிகர்களால் அதிகம் விரும்பப்பட்ட, ரசிக்கப்பட்ட ஜோடிகளில் கமல், ஸ்ரீதேவியும் முக்கியமானவர்கள். 80களில் ராசியான ஜோடியாக பேசப்பட்டவர்கள் கமலும், ஸ்ரீதேவியும்.இருவரும் முதல் முறையாக 16 வயதினிலே படத்தில் இணைந்தனர். அதன் பின்னர் சிவப்பு ரோஜாக்கள், வாழ்வே மாயம், மூன்று முடிச்சு, மூன்றாம் பிறை, மீண்டும் கோகிலா, குரு, வறுமையின் நிறம் சிகப்பு என ஏகப்பட்ட படங்களில் ஜோடி போட்டனர்.
இருவரும் இணைந்து நடித்த அத்தனை படங்களும் சூப்பர் ஹிட் படங்களாகும். பின்னர் ஸ்ரீதேவி தமிழிலிருந்து இந்திக்குப் போனார். மூக்கை அறுவைச் சிகிச்சை செய்து கொண்டு இந்திக்குப் போன ஸ்ரீதேவி தமிழைப் போலவே இந்தியிலும் கலக்கி அகில இந்திய ஸ்டார் ஆனார்.
இந்தியில் பீல்ட் அவுட் ஸ்டேஜை நெருங்கியபோது நடிகர் அனில் கபூரின் அண்ணன் போனி கபூரை கல்யாணம் செய்து கொண்டு செட்டிலானார்.
திருமணத்திற்குப் பின்னர் நடிப்பை முழுமையாக விட்டு விட்டார். இடையில் டிவி சீரியலில் தோன்றினார். அவ்வப்போது விளம்பரங்களில் வந்து போனார். அந்த அளவிலேயே அவரது கலையுலக தொடர்புகள் இருந்தன.
இந்த நிலையில் சமீபத்தில் சென்னையில் நடந்த சூப்பர் ஸ்டார் ரஜினிகாந்த்தின் சந்திரமுகி படத்தின் 804வது நாள் விழாவுக்கு தனது மகளுடன் (அப்படியே அம்மா சாயல்) வந்திருந்தார் ஸ்ரீதேவி.
ரஜினியின் மனைவி லதா ரஜினிகாந்த், மகள் செளந்தர்யா, ஐஸ்வர்யா, மருமகன் தனுஷ் ஆகியோருக்கு நடுவில் அமர்ந்து நிகழ்ச்சியைக் கண்டுகளித்தார். இதே விழாவுக்கு கமல்ஹாசனும், பி.வாசுவும் கூட வந்திருந்தனர்.
விழாவின்போது ஸ்ரீதேவியை சந்தித்தார் பி.வாசு. இருவரும் இளமை ஊஞ்சலாடுகிறது படத்தின்போது பழகிய நாட்களை பகிர்ந்து கொண்டனர். அந்தப் படத்தை இயக்கியவர் ஸ்ரீதர். அவரிடம் அப்போது உதவியாளராக இருந்தவர் பி.வாசு என்பது குறிப்பிடத்தக்கது.
கமலை வைத்து தான் அடுத்து இயக்கப் போகும் படத்தில் நீங்களும் நடிக்க வேண்டும் என்று அப்போது கேட்டாராம் வாசு. அதை உடனடியாக ஏற்றுக் கொண்டாராம் தேவி. அதேபோல, ஸ்ரீதேவியின் கணவர் போனி கபூரும் ஓ.கே.சொல்லி விட்டாராம்.
வெற்றிக் கொடி நாட்டிய கமல், ஸ்ரீதேவி ஜோடி 17 வருடங்களுக்குப் பிறகு மீண்டும் இணையவிருப்பதால் இருவரது ரசிகர்களும் குஷியாகியுள்ளனர்.