சும்மா சும்மா கடுப்பேத்திய தீபிகா: சத்தமே இல்லாமல் ஆப்பு வைத்த சல்மான் கான்

ட்யூப்லைட்

சல்மான் கானை வைத்து பஜ்ரங்கி பாய்ஜான் ஹிட் படத்தை கொடுத்தவர் இயக்குனர் கபீர் கான். தற்போது கபீர் சல்மானை வைத்து ட்யூப்லைட் என்ற படத்தை இயக்க உள்ளார்.

தீபிகா

கபீர் ட்யூப்லைட் படத்தின் ஹீரோயினாக தீபிகாவை ஒப்பந்தம் செய்ய நினைத்தார். தீபிகாவோ படத்தில் எனக்கு சல்மானுக்கு நிகராக முக்கியத்துவம் உள்ள கதாபாத்திரம் வேண்டும். கதையை மாற்றிவிட்டு வாங்க பார்க்கலாம் என்றாராம்.

சல்மான்

ட்யூப்லைட் படத்தின் ஹீரோயினாக தீபிகாவை நடிக்க வைக்கலாம் என விரும்புகிறேன் என்று கபீர் சல்மானிடம் தெரிவித்துள்ளார். அதற்கு சல்மானோ, தீபிகா வேண்டாம், யாராவது சீன நடிகையை ஒப்பந்தம் செய்யுங்கள் என்று கூறிவிட்டாராம்.

சீன நடிகை

சல்மான் கான் பேச்சுக்கு மறுப்பேது. கபீர் கான் அலைந்து திரிந்து ஒரு சீன நடிகையை சல்மானுக்கு ஜோடியாக்கிவிட்டார். முன்னதாக பஜ்ரங்கி பாய்ஜான் படத்தில் கபீர் கத்ரீனா கைஃபை நடிக்க வைக்க விரும்பினார். ஆனால் சல்மானோ கத்ரீனா வேண்டாம் கரீனா கபூரை நடிக்கச் சொல்லுங்கள் என்று கூறிவிட்டார்.

சீன நடிகை ஏன்?

1962ம் ஆண்டு இந்தியா-சீனா இடையே நடந்த போரை அடிப்படையாக வைத்து ட்யூப்லைட் படம் எடுக்கப்படுகிறது. அதனால் தான் சீன நடிகையை ஹீரோயினாக்குமாறு கூறினாராம் சல்மான் கான்.