ஈகோவை தூக்கி போட்டுட்டு.. லைஃப என்ஜாய் பண்ணுங்க ... ஜாலியாக பனியில் சறுக்கி விளையாடும் சம்மு!

இரண்டு கதாநாயகிகள்

தென்னிந்தியாவில் அனைவருக்கும் பிடித்த மிகச் சிறந்த நடிகையாக வலம் வந்து கொண்டிருக்கும் நடிகை சமந்தா இப்பொழுது தமிழில் காத்துவாக்குல ரெண்டு காதல் என்ற படத்தில் நடித்து வருகிறார். இயக்குனர் விக்னேஷ் சிவன் இயக்கத்தில் முக்கோண காதல் கதையில் உருவாகிவரும் இந்த படத்தில் சமந்தா, நயன்தாரா என இரண்டு கதாநாயகிகள் நடிக்கின்றனர். மேலும் விஜய் சேதுபதி ஹீரோவாக நடித்து வருகிறார். இதன் படப்பிடிப்பு கடந்த சில மாதங்களாக கோயம்புத்தூரில் நடைபெற்று முடிந்துள்ளது.

இலங்கை தமிழ் போராளியாக

ஹீரோக்களுடன் ஜோடி போட்டு நடித்து வரும் அதே சமயம் கதாநாயகிக்கு முக்கியத்துவம் தரும் கதைகளையும் சமந்தா தேர்ந்தெடுத்து நடித்து அசத்தி வருகிறார். அந்த வகையில் இயக்குனர் டீகே மற்றும் ராஜ் இயக்கத்தில் வெளியான தி ஃபேமிலி மேன் வெப்சீரிஸில் இலங்கை தமிழ் போராளியாக நடித்து ஆக்ஷனில் அட்டகாச படுத்தியிருந்தார். யாரும் சற்றும் எதிர்பார்த்திராத சமந்தாவின் இந்த மிரட்டலான நடிப்பு இவருக்கு பாலிவுட்டிலும் அடுத்தடுத்த வாய்ப்புகளை பெற்றுக் கொண்டுள்ளது.

ஆக்ஷனில் தெறிக்க விட

ஃபேமிலி மேன் வெற்றியைத் தொடர்ந்து மற்றுமொரு திரில்லர் வெப்சீரிஸில் சமந்தா நடிக்க ஒப்பந்தமாகியுள்ளார். இந்த முறையும் ஆக்ஷனில் தெறிக்க விட தயாராகி வருகிறார். தமிழ்,தெலுங்கு, மலையாளம், கன்னடம் ஹிந்தி என ஐந்துமொழிகளிலும் பான் இந்தியா படமாக உருவாக உள்ளது.

சகுந்தலம்

தெலுங்கில் சாகுந்தலம் என்ற படத்திலும் நடித்து வருகிறார். முழுக்க முழுக்க கதாநாயகிக்கு முக்கியத்துவம் தரும் வாழ்க்கை வரலாற்று பாடமாக சகுந்தலம் உருவாகி வருகிறது. இதற்காக ஹைதராபாத்தில் பிரம்மாண்ட செட் அமைக்கப்பட்டு படப்பிடிப்பு நடத்தப்பட்டு வருகிறது. தமிழ் மற்றும் தெலுங்கு என இரு மொழிகளிலும் சாகுந்தலம் வெளியாகிறது.

Divorce பதிவை நீக்கிய Samantha குழப்பத்தில் ரசிகர்கள் | Sam Removed Divorce Post

லைஃப சந்தோஷமா என்ஜாய் பண்ணுங்க

மிரட்டலான நடிப்பில் ஒவ்வொரு படங்களிலும் பிரமாதப்படுத்தி வரும் சமந்தா கவர்ச்சியிலும் தாறுமாறு செய்து வருகிறார். இந்த நிலையில் பனிசறுக்கில் விளையாடும் ஜாலி வீடியோவை இன்ஸ்டாகிராம் பக்கத்தில் பதிவிட்டதோடு ஈகோவை தூரம் தூக்கி போட்டுவிட்டு லைஃபை சந்தோஷமா என்ஜாய் பண்ணுங்க என பாசிட்டிவ்வாக சமந்தா பதிவிட்டுள்ள இந்த பதிவுக்கு லைக்குகள் குவிகின்றன.