எக்ஸ்க்யூஸ்மி மீம்ஸ் கிரியேட்டர்ஸ்: ஸ்ருதியிடம் உங்க பப்பு வேகலை

மீம்ஸ்

ஸ்ருதி ஹாஸன் என்றாலே மீம்ஸ் கிரியேட்டர்கள் குஷியாகிவிடுகிறார்கள். ஸ்ருதியின் லுக், அவரின் குரலை கிண்டல் செய்து மீம்ஸ் போடுகிறார்கள். மேலும் சிலர் ஸ்ருதியை கலாய்த்து ட்வீட் போடுகிறார்கள்.

ஸ்ருதி

சமூக வலைதளங்களில் தன்னை கிண்டல் செய்வது பற்றி ஸ்ருதி பேசியுள்ளார். யார் கிண்டல் செய்வதாலும் எனக்கு எந்த கவலையும் இல்லை. இது சமூக வலைதளம் மட்டும் இல்லை இது தான் மக்களின் வாழ்க்கை, எண்ணத்தை பிரதிபலிக்கிறது என்று நினைக்கிறேன் என்கிறார் ஸ்ருதி.

சமூக வலைதளம்

அடுத்தவர்களை பற்றி ஏதாவது முடிவுக்கு வருவது அல்லது கிண்டல் செய்வது அல்லது தாக்கிப் பேசுவது சரி என்று மக்கள் நினைக்கிறார்கள். நேரில் செய்ய முடியாததை செய்ய சமூக வலைதளம் தைரியம் அளிக்கிறது என்று ஸ்ருதி தெரிவித்துள்ளார்.

பாதிப்பு

அடுத்தவர்களின் கருத்துகள் என்னை ஒருபோதும் பாதித்தது இல்லை. அதனால் சமூக வலைதளங்களில் கலாய்ப்பது என்னை பாதிக்கவில்லை. அடுத்தவர்கள் சொல்வதை சீரியஸாக எடுத்துக் கொண்டால் யாரும் நம் வேலையையும் செய்ய முடியாது, வீட்டை விட்டு வெளியே வரவும் முடியாது என்று ஸ்ருதி கூறியுள்ளார்.