வித்தியாசமாக நடிக்கும் வித்யா பாலனுக்கு கௌரவ டாக்டர் பட்டம்

டாக்டர்

குஜராத் மாநிலம் அகமதாபாத்தைச் சேர்ந்த ராய் பல்கலைக்கழகம் வித்யா பாலனின் கலைச் சேவையை பாராட்டி மும்பையில் நடந்த நிகழ்ச்சியில் அவருக்கு கௌரவ டாக்டர் பட்டம் வழங்கி கௌரவித்தது.

வித்யா

இந்த கௌரவ டாக்டர் பட்டத்தை பெற்றதில் பெருமையாகவும், மகிழ்ச்சியாகவும் உள்ளது. நான் சினிமா துறைக்கு வந்து இந்த ஆண்டுடன் 10 ஆண்டை நிறைவு செய்யும் வேளையில் இந்த கௌரவும் கிடைத்துள்ளது என்று வித்யா பாலன் தெரிவித்துள்ளார்.

கணவர்

வித்யாவுக்கு கௌரவ டாக்டர் பட்டம் வழங்கிய நிகழ்ச்சியில் அவரின் கணவரும், பாலிவுட் தயாரிப்பாளருமான சித்தார்த் ராய் கபூர் மற்றும் குடும்பத்தினர் கலந்து கொண்டு மகிழ்ச்சி அடைந்தனர்.

சமூகம்

வித்யா பாலன் தேர்வு செய்து நடிக்கும் கதாபாத்திரங்கள் அனைத்தும் சமூகத்தில் உள்ள வலுவான பெண்களை குறிக்கும் வகையில் உள்ளன. நடிகைகள் மத்தியில் வித்தியாசமானவர் வித்யா என ராய் பல்கலைக்கழக துணை வேந்தர் ஹர்பீன் அரோரா தெரிவித்துள்ளார்.

பத்மஸ்ரீ

2011ம் ஆண்டு டர்ட்டி பிக்சர் படத்திற்காக வித்யா பாலனுக்கு தேசிய விருது கிடைத்தது. இதையடுத்து கடந்த 2014ம் ஆண்டு அவருக்கு மத்திய அரசு பத்மஸ்ரீ விருது வழங்கி கௌரவித்தது என்பது குறிப்பிடத்தக்கது.