ஏக்தாவின் நிர்வாண கன்டிஷன்: நைசாக நழுவிய நடிகை கங்கனா

மும்பை: பாலிவுட் தயாரிப்பாளர் ஏக்தா கபூர் தனது படங்களில் நடிக்க விரும்புவர்கள் நிர்வாணமாக நடிக்க மறுப்பு தெரிவிக்கக் கூடாது என்று நிபந்தனை விதித்துள்ளது பற்றி நடிகை கங்கனாவிடம் கேட்டதற்கு நைசாக நழுவிவிட்டார்.

பாலிவுட் தயாரிப்பாளர் ஏக்தா கபூர் தன்னுடைய படங்களில் நடிக்கும் நடிகர், நடிகைகளிடம் ஒப்பந்தத்தில் கையெழுத்து வாங்குகையில் ஒரு நிபந்தனை விதிக்கிறார். அதாவது கதையில் நிர்வாணமாகவும், படுக்கையறைக் காட்சிகளிலும் நடிக்க வேண்டும் என்று இருந்தால் மறுப்பு தெரிவிக்காமல் நடிக்க வேண்டும் என்ற நிபந்தனையையும் ஒப்பந்தத்தில் சேர்த்துள்ளார்.

இதற்கு ஒப்புக் கொள்பவர்கள் மட்டுமே இனி ஏக்தாவின் படங்களில் நடிக்க முடியும். அந்த நிர்வாண நிபந்தனையை ஏற்று கைரா தத் என்பவர் ஏக்தா தயாரித்து வரும் XXX என்ற படுகவர்ச்சி படத்தில் நடித்து வருகிறார்.

இந்நிலையில் இது குறித்து ஏக்தாவின் தயாரிப்பில் நடித்துள்ள கங்கனா ரனாவத்திடம் கேட்டதற்கு, அவர் கூறுகையில்,

நான் அந்த இடத்தில் இல்லை. இந்நிலையில் அடுத்தவரின் நிபந்தனை பற்றி கருத்து தெரிவிப்பது சரி அல்ல. நீங்கள் சொல்வது பற்றி எனக்கு எதுவும் புரியவில்லை என்றார்.