Johnny Depp: ஒரு மணி நேரத்தில் ரூ. 28 கோடி சம்பாதித்த ஜானி டெப்.. அவருக்குள்ள இப்படியொரு திறமையா?

மனைவிக்கு எதிரான வழக்கு

ஜானி டெப் ஒரு மோசமான பெண் பித்தர் என இரண்டாவது மனைவி ஆம்பர் ஹெர்ட் பத்திரிகை ஒன்றுக்கு பேட்டியளித்த நிலையில், அவருக்கு எதிராக வழக்கு தொடர்ந்தார் ஜானி டெப். அந்த வழக்கு கிட்டத்தட்ட 4 ஆண்டுகள் நடைபெற்ற நிலையில், சமீபத்தில் ஜானி டெப்புக்கு சாதகமாகவும் ஆம்பர் ஹெர்ட்டுக்கு பாதகமாகவும் தீர்ப்பு வந்தது ஒட்டுமொத்த ரசிகர்களையும் உற்சாகத்தில் ஆழ்த்த்யது.

காசு இல்லை

சுமார் 10 மில்லியன் டாலர்கள் அபராதமாக ஜானி டெப்புக்கு அவரது மனைவி ஆம்பர் ஹெர்ட் கொடுக்க வேண்டும் என கோர்ட் உத்தரவிட்ட நிலையில், தன்னிடம் அந்த அளவுக்கு பணமே இல்லை என சமீபத்தில் புலம்பித் தள்ளி இருக்கிறார் ஆம்பர் ஹெர்ட். அதே சமயம் வழக்கின் மூலம் தன்னுடைய வாழ்க்கை திரும்பவும் கிடைத்து விட்டதாக மகிழ்ச்சியடைந்த ஜானி டெப் தொடர்ந்து அந்த வெற்றியை பெரியளவில் கொண்டாடி வருகிறார்.

ஒரு மணி நேரத்தில் 28 கோடி

இந்நிலையில், சமீபத்தில் தனது ஓவியங்களை இன்ஸ்டாகிராமில் விற்பனைக்கு கொண்டு வர ஒரு மணி நேரத்தில் 3 மில்லியன் பவுண்டுகளை சம்பாதித்துள்ளார் ஜானி டெப். இந்திய மதிப்பில் 28 கோடி ரூபாய் என்பது குறிப்பிடத்தக்கது. கேஸ்ட்டல் ஃபைன் ஆர்ட்ஸ் 37 கேலரியின் 780 பிரின்டுகளை வாங்க கூட்டம் அலைமோதிய நிலையில், ஒரே மணி நேரத்தில் இத்தனை கோடிகளை வசூல் செய்துள்ளார்.

பிரபலங்களின் ஓவியம்

59வயதாகும் ஜானி டெப் தனக்கு இருக்கும் ஓவியத் திறமையை இப்போது தான் இந்த அளவுக்கு வெளிப்படுத்தி உள்ளார். ஹாலிவுட் நடிகர் அல்பசினோ, பாப் சிங்கர் பாபி டைலான் உள்ளிட்டோரின் உருவப் படங்கள் அடங்கிய ஓவியத்தைத் தான் அவர் வரைந்துள்ளார். ஒரு ஓவியத்தின் விலை 3,950 பவுண்டுகள் என்பது குறிப்பிடத்தக்கது.