கேன்ஸ் பட விழாவில்... வெறும் காலுடன் நடந்து வந்த ஜூலியா ராபர்ட்ஸ்!

கேன்ஸ் பட விழா மிகப் பிரபலமான சர்வதேச பட விழாக்களில் ஒன்று. இங்கு டிரஸ் கோட் உள்ளது. எழுதப்படாத விதி என்றாலும் கூட பலரும் பல காலமாக இதைக் கடைப்பிடித்து வருகின்றனர்.

இந்த டிரஸ் கோடின்படி யாரும் செருப்பு அல்லது ஷூ போடாமல் வரக் கூடாது என்பதாகும். இதை அனைவரும் இது காலம் வரை கடைப்பிடித்து வந்தனர். இந்த நிலையில் அதை மீறியுள்ளார் ஜூலியா.

கேன்ஸ் விழாவுக்கு வந்த அவர் கவர்ச்சிகரமான கருப்பு உடையுடன் நடை போட்டு ஒய்யாரமாக வந்தார். ஆனால் செருப்பு போடவில்லை. வெறும் காலுடன் வந்திருந்தார்.

அதே செருப்பு இல்லாக் காலுடன் அருகில் உள்ள இடத்துக்கும் அவர் போனார். இது பலரையும் வியப்பில் விழிகளை விரிய வைத்தது. வயதையும் தாண்டிய அழகுடன், விதிகளை மீறி வெறும் காலுடன் ஜூலியா நடை போட்டதை பலரும் பாராட்டிப் பேசியுள்ளனர்.

கடந்த வருடம் விதிமுறையை மீறி சாதாரண ஷூக்களுடன் வந்த பலரை நிகழ்ச்சி ஏற்பாட்டாளர்கள் உள்ளே அனுமதிக்காமல் வெளியேற்றினர் என்பது நினைவிருக்கலாம். இது புயலைக் கிளப்பியது. இதைக் கண்டிக்கும் வகையில்தான் ஜூலியா இப்படி வந்திருக்கலாம் என்று கூறப்படுகிறது.