முகப்பு

ஹாலிவுட்

லாஸ் ஏஞ்செல்ஸ்: கடந்த வாரம் வெளியான தி கஞ்சூரிங் 2 திரைப்படம் உலகம் முழுவதும், சுமார் 39 மில்லியன் டாலர்களை வசூலித்து சாதனை படைத்திருக்கிறது.

ஜேம்ஸ் வான் இயக்கத்தில் தி கஞ்சூரிங் 2 உலகம் முழுவதும் சுமார் 9,800 திரையரங்குகளில் வெளியானது. முதல் படமான கஞ்சூரிங் போலவே இப்படமும் பயங்கர மிரட்டலாக இருக்கிறது என படத்தைப் பார்த்த ரசிகர்கள் பாராட்டியிருந்தனர்.

இந்நிலையில் உலகம் முழுவதும் இப்படம் 39 மில்லியன் டாலர்களை வசூலித்து சாதனை படைத்திருக்கிறது. இதுதவிர இப்படத்துடன் வெளியான வார்கிராப்ட், நவ் யூ சீ மீ 2 போன்ற படங்களின் வசூலையும் இப்படம் கட்டுப்படுத்தியுள்ளது.

இதன் மூலம் இப்படத்தின் மொத்த பட்ஜெட்டான 40 மில்லியன் டாலர்களை முதல் வாரத்திலேயே கஞ்சூரிங் 2 வசூல் செய்து விட்டது.

இப்படத்தின் முதல் பாகம் 19.5 மில்லியன் டாலர்களுடன் வெளியாகி உலகம் முழுவதும் 318 மில்லியன் டாலர்களை வசூல் செய்தது.அதேபோல கஞ்சூரிங் 2வும் மிகப்பெரிய சாதனை படைக்கும் என ஹாலிவுட் நிபுணர்கள் கருத்துத் தெரிவித்துள்ளனர்.

இந்தியாவில் தமிழ், தெலுங்கு,ஆங்கிலம், இந்தி மொழிகளில் வெளியான இப்படத்துக்கு, இந்திய ரசிகர்கள் மத்தியிலும் நல்ல வரவேற்பு கிடைத்திருப்பது குறிப்பிடத்தக்கது.