இதுதான் என் கடைசி படம்.. இனி நடிக்க மாட்டேன்.. சினிமாவுக்கு குட்பை சொன்ன ஜிம் கேரி!

ஜிம் கேரி

ஹாலிவுட்டின் மிகச் சிறந்த நகைச்சுவை நடிகர்கள் வரிசையில் நடிகர் ஜிம் கேரிக்கு எப்போதுமே தனி இடம் உண்டு. தி மாஸ்க், பேட்மேன் ஃபார் எவர், ப்ரூஸ் தி அல்மைட்டி, கிக் ஆஸ் 2, லயர் லயர் என ஏகப்பட்ட ஹிட் படங்களை கொடுத்து அசத்தியவர் ஜிம் கேரி. சந்தோஷத்தை கொடுக்கும் நகைச்சுவை நடிகர்கள் வாழ்வில் ஏகப்பட்ட சோக நிகழ்வுகள் நடப்பது இயல்பான ஒன்றாக மாறிவிட்டதை போல, இவரது வாழ்க்கையிலும் ஏகப்பட்ட டிராஜடிக்கள் நடந்து மிகுந்த மன உளைச்சலுக்கு ஆளானார் ஜிம் கேரி.

அறை எண் 305ல் கடவுள்

ஷங்கர் தயாரிப்பில் இயக்குநர் சிம்புதேவன் இயக்கத்தில் வெளியான அறை எண் 305ல் கடவுள் அப்படியே இவர் நடித்த ப்ரூஸ் தி அல்மைட்டி படத்தின் காப்பி தான் சர்ச்சைகள் கிளம்பின. ப்ரூஸ் தி அல்மைட்டி படத்தை வைத்து உலகம் முழுக்க ஏகப்பட்ட இன்ஸ்பிரேஷன் படங்கள் உருவாகியது குறிப்பிடத்தக்கது.

சினிமாவுக்கு குட்பை

60 வயதாகும் நடிகர் ஜிம் கேரி தற்போது திடீரென சினிமாவில் இருந்து ஓய்வு பெற முடிவு செய்துள்ளதாக அறிவித்துள்ளார். 42 படங்கள், 17 டிவி தொடர்கள், 16 ஆவண படங்கள், ஒரு வெப்சீரிஸ் என நடித்து வந்த ஜிம் கேரி ஏன் திடீரென இப்படியொரு அறிவிப்பை வெளியிட்டுள்ளார் என ஹாலிவுட் ரசிகர்கள் அப்செட் ஆகி உள்ளனர்.

இதுதான் கடைசி

கடந்த 2020ம் ஆண்டு ஜிம் கேரி நடிப்பில் கடைசியாக வெளியான படம் Sonic the Hedgehog திரைப்படம் ரசிகர்கள் மத்தியில் நல்ல வரவேற்பை பெற்றது. அதன் இரண்டாம் பாகமான Sonic the Hedgehog 2 திரைப்படம் விரைவில் வெளியாக உள்ள நிலையில், இந்த படம் தான் தனக்கு கடைசி படம் என்றும், நிறைய நடித்து விட்டேன். போதும், இப்போது ஓய்வெடுக்க விரும்புகிறேன் எனக் கூறியுள்ளார்.

ப்ரூஸ் வில்லிஸ் ஓய்வு

சமீபத்தில் பிரபல ஹாலிவுட் நடிகர் ப்ரூஸ் வில்லிஸ் Aphasia எனும் மூளை பாதிப்பால் அவதிப்பட்டு வரும் காரணத்தால் சினிமாவில் இருந்து விலகுகிறேன் என அதிரடியாக அறிவித்திருந்தார். அவரை தொடர்ந்து நடிகர் ஜிம் கேரியும் தனது சினிமா வாழ்க்கைக்கு எண்ட் கார்டு போட்டிருப்பது ஹாலிவுட் ரசிகர்களை சோகத்தில் ஆழ்த்தி உள்ளது.