விக்ரமிற்கே டஃப் கொடுத்த பாபி சிம்ஹா … ‘மகான்’ சுவாரசியத் தகவல்!

பாபி சிம்ஹா

ஊடகம் ஒன்றுக்கு பேட்டி அளித்துள்ள பாபி சிம்ஹா, மகான் திரைப்படத்தின் கதையை கேட்டதும் எனக்கு மிகவும் பிடித்து விட்டது. முதலில் நான் ராக்கி கதாபாத்திரத்தில் நான் நடிப்பதாக இருந்தது. சத்யவான் கேரக்டரில் யாரை நடிக்கவைப்பது என்று யோசித்துக்கொண்டு இருந்தபோது, திடீரென கார்த்திக் சுப்புராஜ் நீயே அந்த கதாபாத்திரத்தில் நடி என்று கூறிவிட்டார். நானும் ஒத்துக்கொண்டேன்.

மொட்டை அடித்தேன்

சத்யவான் கேரக்டரின் ஆரம்பமே 40 வயதிலிருந்து என்பதால் படத்திற்காக மொட்டை அடித்துக் கொண்டேன். கிட்டத்தட்ட 8 மாதமும் மொட்டத்தலையுடனே இருந்தேன். என்றுடைய அடுத்தடுத்த பட இயக்குநர்கள், தயாரிப்பாளர்களிடம் பேசி படங்களை தள்ளி வைத்தேன். ஆனால், சத்யவான் கதாபாத்திரத்திற்கு பிளஸாக இருந்தே அந்த வழுக்கைத்தலை தான்.

தனக்கு பிடித்த வாழ்க்கை

மகான் திரைப்படத்தை பொறுத்தவரை, தனக்கு பிடித்த வாழ்க்கையை ஒரு நாளாவது வாழ்ந்துவிடமாட்டோமா என ஆசைப்படும் ஒரு சராசரி மனிதன், ஒரு மதுபான சாம்ராஜ்ஜியத்தேயே காட்டி ஆள்கிறார். சூழ்நிலையும், காலமும் அவரை அப்படி மாற்றிவிடுகிறது. அதே காலம் அவனை கடைசியில் எப்படி மாற்றுகிறது என்பது தான் கதை.

Recommended Video

Mahaan படத்தில் என் Scenes Deleted!காரணம்? Vani Bhojan First Exclusive Clarification

சவாலான கதாபாத்திரம்

இப்படி மகான் திரைப்படத்தில் ஒவ்வொரு கதாப்பாத்திரமும் இருக்கும். இதில் சலிப்புத்தன்மை வருமா என்று கேட்டால் நிச்சயம் வராது. சத்யவான் போல இன்னொரு கதாப்பாத்திரம் மீண்டும் எனக்கு கிடைக்குமா என்றால் தெரியாது. இதுபோல, சவாலானதாக இருந்தால் கண்டிப்பாக நடிப்பேன். படத்தைப் பார்த்து பலர் பாராட்டும் போது மனதிற்கு மகிழ்ச்சியாக இருக்கிறது. இந்த கதாபாத்திரத்தை எனக்கு கொடுத்த கார்த்திக் சுப்புராஜிற்கு நன்றி.