கவர்ச்சி டிரஸ் போடுவேன்... பிக் பாஸ்க்கு கூப்பிட்டா போக மாட்டேன் - ஐஸ்வர்யா மேனன் ஜில் பேட்டி

குடும்பம் எப்படி

கொங்குத்தமிழில் பேசும் இவர் ஈரோட்டைச் சேர்ந்தவர். அம்மா, அப்பா, அண்ணன் என அனைவருமே படித்திருக்கிறார்கள். சினிமாவிற்கும் அவங்களுக்கும் சம்பந்தமே இல்லை. அண்ணன் டாக்டராக ஆஸ்திரேலியாவில் இருக்கிறார் என்று குடும்பத்தைப் பற்றி உற்சாகமாக பேசுகிறார் ஐஸ்வர்யா.

சினிமா ஆர்வம்

சின்ன வயதில் இருந்தே டான்ஸ் ஆட பிடிக்கும். அதுதான் சினிமா மீதான ஆர்வத்தை துண்டியது. என்னை பல நடிகைகளுடன் கம்பேர் செய்திருக்கின்றனர். ஆனால் நான் ஐஸ்வர்யா மேனன் ஆக இருப்பதைத்தான் விரும்புகிறேன்.

கவர்ச்சி உடை

தமிழ் படம் 2 விற்கு பிறகு இப்போது அசோக் செல்வனுடன் சேர்ந்து திரில்லர் கலந்த ரொமான்ஸ் படத்தில் நடிக்கிறேன். ஊட்டி குளிரில் சூட்டிங் நடந்தது. நடுங்கிக் கொண்டே படத்தை எடுத்தனர். சூட்டிங்கில் நான் கவர்ச்சி உடை அணியமாட்டேன் என்று சொல்ல மாட்டேன். காட்சிக்கு எது தேவையோ அதற்கேற்ப ஒத்துக்கொள்வேன். படப்பிடிப்பில் எனக்கு வசதியான உடைகளை மட்டுமே அணிவேன் என்று கூறினார்.

பிக் பாஸ் ஒவியா

பேச்சு பிக்பாஸ் பக்கம் திரும்பியது. பிக்பாஸ் சீசன் 1 பார்த்தேன். ஓவியா எனக்கு ரொம்ப பிடிக்கும். இரண்டாவது சீசன், மூன்றாவது சீசன் பார்க்கவில்லை. ஆனால் இந்த சீசனில் லாஸ்லியா இன்ஸ்டாகிராமில் ட்ரெண்டாகி இருக்கிறார் செம க்யூட்டாக இருக்கிறார் என்று கூறினார் ஐஸ்வர்யா.

தியேட்டர்ல படம் பாருங்க

திரில்லர் கமர்ஷியல் படங்கள் பிடிக்கும். அதில்தான் நடித்துக்கொண்டிருக்கிறேன். இந்த வருஷம் என்னோட படம் ரிலீஸ் ஆகப்போகுது தியேட்டர்ல போயி பாருங்க என்று கூறி முடித்தார் ஐஸ்வர்யா மேனன். ரசிகர்களே ஐஸ்வர்யா மேனனுக்கு ஆதரவு கொடுங்க.