புத்தாண்டின் அதிகாலையில் அஜீத்தின் என்னை அறிந்தால் இசை வெளியீடு

சென்னை: அஜீத்தின் என்னை அறிந்தால் படத்தின் இசை வரும் புத்தாண்டு தினத்தன்று அதிகாலை 12 மணிக்கு மேல் வெளியாகிறது.

அஜீத் நடிப்பில் தற்போது திரைக்கு வர காத்திருக்கும் படம் ‘என்னை அறிந்தால்'. கவுதம் மேனன் இயக்கத்தில் உருவாகியுள்ள இப்படத்தில் அஜீத்துக்கு ஜோடியாக அனுஷ்கா, த்ரிஷா நடித்திருக்கிறார்கள். இவர்களுடன் அருண் விஜய், விவேக் ஆகியோரும் நடித்துள்ளனர்.

ஹாரிஸ் ஜெயராஜ் இசையமைத்துள்ளார். படப்பிடிப்பு முடிந்து, ரிலீசுக்கான வேலைகள் வேகம் பிடித்துள்ளன.

படத்தின் டீசர் வெளியாகி பட்டையைக் கிளப்பிக் கொண்டுள்ளது. அடுத்து பாடல் வெளியீடுதான். ‘என்னை அறிந்தால்' படத்தின் பாடல்களை டிசம்பர் 31-ம் தேதி நள்ளிரவில் வெளியிட உள்ளனர். இதை படத்தின் தயாரிப்பு நிறுவனமான ஸ்ரீ சாய் ராம் கிரியேசன்ஸ் அதிகாரப்பூர்வமாக அறிவித்துள்ளது.

அஜீத்தின் ரசிகர்களுக்கு 2015 ஆம் ஆண்டின் விடியல் மிக இனிமையாக அமைய வேண்டும் என்பதால் இந்த ஏற்பாடாம்.

படம் வரும் பொங்கலுக்கு பிரமாண்டமாக ரிலீசாகிறது.