கொண்டாட்டமான தீபாவளி ரிலீஸ்... தம்தம் பாடலை வெளியிட்ட எனிமி டீம்!

எனிமி படம்

நடிகர்கள் விஷால், ஆர்யா இணைந்து மிரட்டியுள்ள படம் எனிமி. ஆனந்த் சங்கர் இயக்கத்தில் உருவாகியுள்ள இந்தப் படம் தீபாவளி ரிலீசாக சூப்பர்ஸ்டாரின் அண்ணாத்த படத்துடன் மோதவுள்ளது. வரும் 4ம் தேதி திரையரங்குகளில் இந்தப் படம் ரிலீசாக உளளது.

விஷாலின் எனிமி

விஷால் மற்றும் ஆர்யா முன்னதாக பாலா இயக்கத்தில் அவன் இவன் திரைப்படத்தில் இணைந்து நடித்துள்ளனர். இந்நிலையில் இவர்கள் இரண்டாவது முறையாக எனிமி படத்தின்மூலம் இணைந்துள்ளனர். இந்தப் படத்தில் விஷாலுக்கு எனிமியாகியுள்ளார் ஆர்யா.

சமமான கேரக்டர்

வில்லனாக இருந்தாலும் படத்தில் ஆர்யாவிற்கு விஷாலுக்கு சமமான ரோல் அளிக்கப்பட்டுள்ளதாக தெரிவிக்கப்பட்டுள்ளது. இருவரும் படத்தில் போட்டிப்போட்டு நடித்துள்ளது டீசர், ட்ரெயிலர் உள்ளிட்டவற்றின்மூலம் தெரிகிறது. ஆர்யாவின் சார்பட்டா பரம்பரை வெற்றிக்கு பிறது இந்தப் படம் வெளியாகவுள்ளது.

ப்ரமோஷன் பணிகள்

படத்தின் ப்ரமோஷன் பணிகளில் படக்குழுவினர் தொடர்ந்து ஈடுபட்டு வருகின்றனர். முன்னதாக போதுமான திரையரங்குகள் கிடைக்கவில்லை என்று தயாரிப்பாளர் வினோத்குமார் தெரிவித்திருந்த நிலையில், தற்போது அந்த பிரச்சினை தீர்க்கப்பட்டு அதிகமான திரையரங்குகளில் படம் வெளியாக உள்ளது.

Recommended Video

ENEMY Pressmeet-ல் Puneeth பற்றி பேசிய Vishal | Arya, Mirnalini

பத்திரிகையாளர் சந்திப்பு

இந்நிலையில் சமீபத்தில் நடத்தப்பட்ட பத்திரிகையாளர்கள் சந்திப்பில் படம் குறித்த விமர்சனங்களை உடனடியாக கூற வேண்டாம் என்றும் ரசிகர்களை திரையரங்குகளுக்கு சென்று படத்தை பார்க்க விடுங்கள் என்றும் விமர்சகர்களிடம் விஷால் கேட்டு கொண்டார்.

தம்தம் பாடல் வெளியீடு

இந்நிலையில் இன்றைய தினம் படத்தின் தம்தம் பாடலின் சிறிய பகுதி வெளியிடப்பட்டுள்ளது. இந்தப் பாடலில் விஷால் மற்றும் மிருணாளினி ரவி காணப்படுகின்றனர். திருமணக் கொண்டாட்டம் போல காட்சிகள் உள்ளன. படத்தில் மேலும் மம்தா மோகன்தாஸ், தம்பி ராமையா போன்றவர்களும் நடித்துள்ளனர்.