பண்பலை வானொலி நிலையத்தில் நடந்த பாபநாசம் இசை வெளியீட்டு விழா!

கமல் ஹாஸன் நடித்துள்ள பாபநாசம் படத்தின் இசை வெளியீட்டு விழா தனியார் பண்பலை வானொலி நிலையத்தில் இன்று நடந்தது.

மலையாளத்தில் உருவாகி வெற்றி பெற்ற த்ரிஷ்யம் படம் இந்தியாவின் முன்னணி மொழி சினிமாக்களில் ரீமேக் செய்யப்பட்டு, வெற்றியடைந்து வருகிறது. கன்னடத்திலும், தெலுங்கிலும் இந்தப் படம் சிறப்பான வெற்றியைப் பெற்றது.

அடுத்து தமிழ், இந்தியில் வெளியாகவிருக்கிறது.

தமிழில் பாபநாசம் என்ற பெயரில் வெளியாகும் இந்தப் படத்தில் கமல், கவுதமி நடித்துள்ளனர். இந்தப் படத்தின் ட்ரைலர் மற்றும் புகைப்படங்கள் வெளியாகி ரசிகர்களிடம் வரவேற்பு பெற்றுள்ளன.

இந்த நிலையில் படத்தின் இசை வெளியீடு நேற்று நடந்தது. தனியார் பண்பலை வானொலி நிலையத்தில் இந்த விழா நடந்தது.

கமல் ஹாஸன், கவுதமி, இயக்குநர் ஜீத்து ஜோசப், பாடலாசிரியர் நா முத்துக்குமார், இசையமைப்பாளர் ஜிப்ரான், நடிகர் எம்எஸ் பாஸ்கர் உள்பட படக்குழுவினர் பங்கேற்றனர்.

பாபநாசம் குடும்பம் இசையை வெளியிட, படத்தின் தொழில்நுட்பக் கலைஞர்கள் பெற்றுக் கொண்டனர்.