1000 கோடி கிளப்பில் இணைந்த இந்திய படங்கள்... தமிழ் படம் இருக்கா ?

1000 கோடி வசூல் படங்கள்

இதுவரை உலக அளவில் 1000 கோடிகளை வசூல் செய்த படங்களின் பட்டியலில் இந்திய படங்கள் 4 மட்டுமே இடம்பெற்றுள்ளன. இதுவரை அமீர்கானின் டங்கள், ராஜமெளலியின் பாகுபலி 2, ஆர்ஆர்ஆர் படங்கள் மட்டுமே இணைந்திருந்தன. இந்த பட்டியலில் தற்போது கேஜிஎஃப் 2 படமும் இணைந்துள்ளது. ஒரு மாத இடைவெளியில் ஆர்ஆர்ஆர் மற்றும் கேஜிஎஃப் 2 படங்கள் இந்த பட்டியலில் இணைந்துள்ளன.

முதல் இந்திய படம் டங்கள்

2016 ம் ஆண்டு அமீர் கான் நடித்து கிரிக்கெட்டை மையமாகக் கொண்டு எடுக்கப்பட்ட படமான டங்கள், மொத்தமாக உலகம் முழுவதும் 2112 கோடிகளை வசூல் செய்தது. இதுவரை வேறு எந்த இந்திய படமும் இந்த சாதனையை நெருங்கக் கூட இல்லை. 2000 கோடி கிளப்பில் இணைந்த முதல் மற்றும் ஒரே இந்திய படம் டங்கள் தான். இதைத் தொடர்ந்து 2017 ல் வெளிவந்த பாகுபலி 2 படம் 1809 கோடிகளை வசூல் செய்தது.

டங்கள் வசூலை நெருங்கும் கேஜிஎஃப் 2

2022 ம் ஆண்டு மார்ச் 25 ம் தேதி ரிலீஸ் செய்யப்பட்ட ராஜமெளலியின் ஆர்ஆர்ஆர் படம் 1118 கோடிகளை வசூல் செய்துள்ளது. இதைத் தொடர்ந்து ஏப்ரல் 14 ம் தேதி ரிலீசான கேஜிஎஃப் 2 படம் 1006 கோடிகளை வசூல் செய்துள்ளது. இதனால் விரைவில் ஆர்ஆர்ஆர் மற்றும் பாகுபலி 2 படங்களின் வசூல் சாதனையை முறியடித்து கேஜிஎஃப் 2 இரண்டாம் இடத்திற்கு செல்லும் என எதிர்பார்க்கப்படுகிறது. ஆனால் டங்கள் படத்தின் வசூலை எட்டுமா என்பது தான் அனைவரின் எதிர்பார்ப்பாக உள்ளது.

தமிழ் படம் இருக்கா இதில்

1000 கிளப்பில் இணைந்த இந்திய படங்களின் பட்டியலில் இந்தி படமான டங்கள், தெலுங்கு படங்களான பாகுபலி 2 மற்றும் ஆர்ஆர்ஆர், கன்னட படமான கேஜிஎஃப் 2 மட்டுமே இடம்பெற்றுள்ளது. இந்த பட்டியலில் ஒரு தமிழ் மற்றும் மலையாள படம் கூட இல்லாதது அனைவரையும் அதிர்ச்சி அடையவும், வேதனை அடையவும் வைத்துள்ளது.

Recommended Video

K.G.F: Chapter 2 Review in Tamil | கே ஜி எஃப் 2 விமர்சனம் | Yessa ? Bussa ? | |Yash | Sanjay Dutt

ஏன் என்ன தான் காரணம்

தமிழில் திறமையான டைரக்டர்கள், நல்ல கதைகள் உள்ள படங்கள் இருந்தும் இதுவரை ஒரு தமிழ் படம் கூட 1000 கோடி கிளப்பில் இணையாதது ஏன் பலரும் கேட்டு வருகிறார்கள். அனைத்து தரப்பினரையும் கவரும் கதை கொண்ட படங்களை டைரக்டர்கள் இயக்குவதில்லையா அல்லது சரியான கதைகளை தேர்வு செய்து நடிக்க நடிகர்கள் தவறுகிறார்களா என பலர் கேள்வி எழுப்பி உள்ளனர்.