2.0.. அக்‌ஷயை விடுங்க.. இந்தியாவின் நிஜ ‘பக்‌ஷி ராஜன்’ பற்றித் தெரியுமா?

பறவை மனிதர் சலீம் அலி:

இதில், பறவைகள் ஆர்வலராக அக்‌ஷய்யின் கதாபாத்திரம் போலவே, இந்தியாவில் நிஜத்தில் ஒருவர் வாழ்ந்துள்ளார். அவர் இந்தியாவின் பறவை மனிதர் என அழைக்கப்படும் சலீம் அலி தான். இவர் தனது வாழ்நாளில் 65 ஆண்டுகளை பறவைகளுக்காகவும், அவற்றை ஆராய்வதற்காகவும், அவற்றை காப்பாற்றுவதற்காகவுமே செலவழித்தார்.

பொழுதுபோக்கு:

நவம்பர் 12ம் தேதி, கடந்த 1896ம் ஆண்டு மும்பையில் பிறந்தவர் சலீம் அலி. சிறு வயதிலேயே பெற்றோரை இழந்து தனது மாமா வீட்டில் வளர்ந்த அவருக்கு, வேட்டையாடுவது தான் பொழுதுபோக்காக இருந்துள்ளது.

பறவைகள் மீது காதல்:

அப்படியாக ஒரு முறை, வீட்டருகே துப்பாக்கியால் சிட்டுக் குருவி ஒன்றைச் சுட்டுவிட்டார். அந்தக் குருவி துடித்து துடித்து இறந்ததைப் பார்த்த சலீம் அலிக்கு மிகவும் வேதனையானது. இனி, வேட்டையாடுவதில்லை என முடிவெடுத்த அவர், பறவைகளைக் காதலிக்கத் தொடங்கினார்.

பறவைகள் ஆராய்ச்சி:

பம்பாய் இயற்கை வரலாற்று கழகத்தின் கெளரவச் செயலாளராக இருந்த டபிள்யூ. எஸ்.மில்லர்ட் என்பவரிடம் பறவைகள் ஆராய்ச்சிக்கு சேர்ந்தார் சலீம் அலி. சுமார் 65 ஆண்டுகள் பறவைகளைப் பற்றியும், அவற்றின் நலம் குறித்தும் மட்டுமே சிந்தித்தார் அவர், கடந்த 1996ம் ஆண்டு காலமானார்.

கோவையில் சலீம் அலி:

தமிழகத்தில் கோவை மாவட்டம் ஆனைக்கட்டியில் சலீம் அலி பறவைகள் ஆராய்ச்சி மையம் உள்ளது. இந்தியாவில் பல்வேறு இடங்களிலும் இவரின் பெயரில் பறவைகள் ஆராய்ச்சி மையங்கள் செயல்பட்டு வருகின்றன. தன் வாழ்நாள் முழுவதும் பறவைகளுக்காகவே செயல்பட்டதால், அவரை பறவை மனிதர் என அழைக்கின்றனர் என்பது குறிப்பிடத்தக்கது.