400 அரங்குகளில் கமலின் உத்தம வில்லன்!

இரட்டை வேடங்கள்

உத்தமன் என்ற 8-ம் நூற்றாண்டுக் கூத்துக் கலைஞன் கதாபாத்திரம், மனோரஞ்சன் என்ற 21-ம் நூற்றாண்டின் சினிமா உச்ச நட்சத்திரமாக மற்றொரு கதாபாத்திரம் என கமல் இரட்டை வேடங்களில் நடித்துள்ளார்.

ரமேஷ் அரவிந்த்

படத்துக்கு கமல் கதை, திரைக்கதை, வசனம் எழுத அவருடைய நண்பர் ரமேஷ் அரவிந்த் இயக்கியிருக்கிறார். ஜிப்ரான் இசையமைத்துள்ளார். திருப்பதி பிரதர்ஸ் நிறுவனம் இப்படத்தை தயாரித்திருக்கிறது. உத்தம வில்லன் திரைப்படம் மே 1ம் தேதி திரைக்கு வரவுள்ளது.

400 அரங்குகள்

தமிழ்நாட்டில் மட்டும் 400க்கும் அதிகமான தியேட்டர்களில் படம் வெளியாகிறது. பெரும்பாலான நல்ல, பெரிய திரையரங்குகள் இந்தப் படத்துக்கே ஒதுக்கப்பட்டுள்ளன.

உலகெங்கும்

உலகம் முழுவதும் 1500 தியேட்டர்களுக்கும் மேல் இப்படம் வெளியாக உள்ளது. சமீபத்தில் வெளிவந்த படங்களில், ரஜினியின் லிங்காவுக்குப் பிறகு அதிக திரையரங்குகளில் ரிலீஸாகும் படம் உத்தம் வில்லன்தான்.