வாரிசு செகண்ட் சிங்கிள் அப்டேட் கொடுத்த விஜய்… இறங்கி வந்து சிக்சர் அடித்த அஜித்

வெயிட்டிங்கில் அஜித் ரசிகர்கள்

அல்டிமேட் ஸ்டார் என ரசிகர்களால் கொண்டாடப்படும் அஜித், தற்போது துணிவு படத்தில் நடித்துள்ளார். ஹெச் வினோத் இயக்கியுள்ள இந்தப் படம் பொங்கல் தினத்தில் தியேட்டர்களில் வெளியாகிறது. இந்த முறை பொங்கல் ரேஸில் அஜித்தின் துணிவுடன் விஜய்யின் வாரிசு திரைப்படமும் களமிறங்குவதால், இருதரப்பு ரசிகர்களும் வெறித்தனமான வெயிட்டிங்கில் உள்ளனர். இந்த பொங்கல் ரேஸில் விஜய்யா அஜித்தா என்பதே மிக முக்கியமான பேசுபொருளாக உள்ளது.

வாரிசு செகண்ட் சிங்கிள் அப்டேட்

அஜித்தின் துணிவு படத்தில் இருந்து இதுவரை போஸ்டர்கள் மட்டுமே வெளியாகியுள்ளது. மேலும், இந்தப் படத்திற்காக அஜித் உட்பட மற்ற நடிகர்கள் டப்பிங் கொடுத்த புகைப்படங்களும் வெளியாகி வைரலாகின. இதனிடையே, விரைவில் துணிவு படத்தின் முதல் பாடலான 'சில்லா சில்லா' விரைவில் வெளியாகும் என எதிர்பார்க்கப்படுகிறது. ஆனால், அதேநேரம் விஜய்யின் வாரிசு படத்தில் இருந்து ஏற்கனவே 'ரஞ்சிதமே ரஞ்சிதமே' என்ற ஃபர்ஸ்ட் சிங்கிள் வெளியானது. இதனைத் தொடர்ந்து செகண்ட் சிங்கிள் ரிலீஸ் தேதியையும் படக்குழு அறிவித்துவிட்டது.

இறங்கி அடித்த அஜித்

அதன்படி, வாரிசு படத்தின் செகண்ட் சிங்கிளான 'தீ' என்ற பாடல், நாளை மாலை 4 மணிக்கு வெளியாகிறது. இந்தப் பாடல் விஜய்யின் தீம் மியூசிக்காக இருக்கும் என எதிர்பார்க்கப்படுகிறது. துணிவு படத்தில் இருந்து இன்னும் முதல் பாடலே வெளியாகாத நிலையில், வாரிசு செகண்ட் சிங்கிள் வரவிருப்பதால், விஜய் ரசிகர்கள் கொண்டாட்டத்தில் உள்ளனர். இதற்கு பதிலடி கொடுக்கும் வகையில், அஜித் ரசிகர்கள் ஒரு வீடியோவை ட்ரெண்ட் செய்து வருகின்றனர், அஜித் கிரிக்கெட் விளையாடும் வீடியோ தான் அது.

ட்ரெண்டாக்கிய ரசிகர்கள்

சிறுத்தை சிவா இயக்கத்தில் அஜித் நடித்த வேதாளம் திரைப்படம் ப்ளாக்பஸ்டர் ஹிட் அடித்தது. அந்தப் படத்தின் ஷூட்டிங்கின் போது, படப்பிடிப்புத் தளத்தில் அஜித் கிரிக்கெட் விளையாடிய வீடியோ தற்போது வைரலாகி வருகிறது. இந்த வீடியோவில் அஜித் ஸ்டைலிஷாக கிரிக்கெட் விளையாடும் வீடியோவை, அவரது ரசிகர்கள் ட்ரெண்ட் செய்து வருகின்றனர். வாரிசு செகண்ட் சிங்கிள் அப்டேட்டுக்குப் போட்டியாக அஜித் ரசிகர்கள் இந்த வீடியோவை வைரலாக்கி வருவது குறிப்பிடத்தக்கது.

ரசிகர்கள் வெயிட்டிங்

சில மாதங்களாக ரசிகர்களுடன் அஜித் எடுத்துக்கொண்ட போட்டோக்கள் வைரலாகி வரும் நிலையில், இப்போது அவரின் கிரிக்கெட் வீடியோவும் வெளியாகியுள்ளது. இந்நிலையில், விரைவில் துணிவு ஃபர்ஸ்ட் சிங்கிள் அப்டேட்டை படக்குழு வெளியிடும் என ரசிகர்கள் எதிர்பார்த்துள்ளனர். அப்டேட்டுக்கே அப்டேட் கேக்கும் நிலையில் தான் அஜித் ரசிகர்கள் இருப்பதாக, விஜய் ஃபேன்ஸும் கிண்டல் செய்து வருகின்றனர்.