ஆகம்: கோட்டீஸ்வர ராஜூவும் கோட் போட்ட ஹீரோக்களும்!

ஆகம் என்ன அர்த்தம்

இந்த ‘ஆகம்' படம் சமீபத்தில் பூஜையுடன் தொடங்கியது. "ஆகம்' என்றால் ‘வருகை' என்று அர்த்தம். மனிதத்தையும், தொழில் நுட்ப வளர்ச்சியினையும் ஒருங்கிணைத்து தலைசிறந்த தொழில் நுட்ப கலைஞர்களைக் கொண்டு நல்ல சினிமா உருவாக்குவதை கருத்தில் கொண்டு தமிழ்த் திரையுலகில் அடியெடுத்து வைத்துள்ளோம்" என்கிறார் தயாரிப்பாளர் கோட்டீஸ்வர ராஜா.

புதுமையான இர்ஃபான்

தனது முந்தையப் படங்களில் இலகுவான வேடங்களை ஏற்று நம் மனதில் இடம்பித்த இளம் கதாநாயகன் இர்ஃபான், 'ஆகம்' திரைப்படத்தின் மூலம் முற்றிலும் புதியதொரு வேடத்தில் தோன்ற உள்ளார்.

ரியாஷ்கான் - தீஷிதா

இதில் ஜெயபிரகாஷ், ரியாஸ் கான், பிரேம், ரவி ராஜா மற்றும் அறிமுக நாயகி தீஷிதா ஆகியோர் நடிக்கிறார்கள். ஆர்.வி.சரண் ஒளிப்பதிவு செய்யும் இப்படத்திற்கு மனோஜ் கியான் படத்தொகுப்பு செய்கிறார். ஜினேஷ் வசனங்கள் எழுத, சதீஷ்குமார் கலைத்துறையை கவனிக்கிறார். விஷால் சந்திரசேகர் இசையமைக்கிறார்.

ஊழல் ஒழிப்பு

இப்படம் குறித்து கூறிய இயக்குனர் விஜய் ஆனந்த் ஸ்ரீராம், ‘ஆகம்' திரைப்படம் வேலை வாய்ப்பு சந்தையில் நடக்கும் பல கோடி மதிப்பிலான ஊழலை பற்றிய படம். சோஷியல் த்ரில்லர் பாணியில் வரும் இப்படத்தின் கதை பல வருடத்தின் ஆய்வுக்கு பின் எழுதப்பட்டுள்ளது.