ப்பா.. என்ன மனுஷன்யா.. செல்ல மகள் வந்தும் சிலையாய் இருந்த ஆரி.. ஆமாம், பாலா ஏன் படுத்துருக்காரு?

அஜித் பாட்டு

இன்றைய பிக் பாஸ் நிகழ்ச்சியின் அன்சீன் புரமோவில் ஆரியை மட்டும் ஃப்ரீஸ் செய்து விட்டு, ஒட்டுமொத்த ஹவுஸ்மேட்டையும் ரிலீஸ் செய்தார் பிக் பாஸ். தல அஜித்தின் உனக்கென்ன வேணும் சொல்லு பாட்டோடு ஆரியின் செல்ல மகள் ரியா அழகாக நடைபோட்டு பிக் பாஸ் வீட்டுக்குள் நுழைய, ரியோ அவரை தூக்கிக் கொண்டு, ஒட்டுமொத்த ஹவுஸ்மேட்களுடன் ஆரியிடம் வந்தார்.

அசையாத ஆரி

இதுவரை ஃப்ரீஸ் டாஸ்க் வந்தாலே அதை மதிக்காமல், தங்கள் சொந்தங்கள் வந்தவுடன் அந்த நபர் ரிலீசாகி போய் வரவேற்க ஆரம்பித்து விடுவார்கள். ஆனால், தனது குட்டிப் பொண்ணு வந்த போதும், ஆரி அசையாமல் அப்படியே இருந்ததை பார்த்து ரசிகர்கள் ஆச்சர்யப்பட்டு வருகின்றனர்.

தூக்கி வந்த ரியோ

ஆரியிடம் பிரச்சனை இருந்தாலும், ரியோ ராஜும் மற்ற ஹவுஸ்மேட்களும், அதை அந்த குழந்தையிடம் காட்டவில்லை. ரியோ தூக்கிக் கொண்டு வர, சோமசேகர், மச்சான் அப்படியே உன்னை உரிச்சி வச்சிருக்கா என சொல்ல சொல்ல ஆரியின் கண்கள் மட்டும் குளமானது. மகள் கிட்ட வந்த பிறகே பிக் பாஸ் ரிலீஸ் செய்தார்.

மகளுக்கு முத்தம்

ஆரியை பிக் பாஸ் ரிலீஸ் செய்த உடனே மகளை தூக்கிக் கொஞ்சி கன்னத்தில் முத்தம் கொடுத்தார் ஆரி. நிச்சயம் இந்த சீன் அன்சீனில் வராது என்றும், நிகழ்ச்சியில் இதை கண்டு ரசிக்கலாம் என்றும், ஆரி இப்போ கூட ரொம்ப ஸ்ட்ரிக்ட் ஆபிசர்பா எனவும் நெட்டிசன்கள் கலாய்த்து வருகின்றனர்.

பாலா ஏன் படுத்துருக்காரு

யாருடைய சொந்தக்காரங்க வந்தாலும் ஃப்ரீஸ் டாஸ்க்கை பின்பற்றாத பாலா, ஆரியின் மகள் வரும் போது, ஃப்ரீஸ் டாஸ்க் அவருக்கு இல்லாத போதும், சோபாவில் அவர் பக்கத்திலேயே படுத்துக் கொண்டிருப்பதை பார்த்து நெட்டிசன்கள் திட்டி வருகின்றனர். ஆரி மீது கோபம் இருந்தால், சின்ன குழந்தை என்ன பண்ணது என கேட்டு வருகின்றனர். நிகழ்ச்சியில் பாலா என்ன செய்கிறார் என்பதை பார்க்கலாம் என்றும் ரசிகர்கள் கூறி வருகின்றனர்.