செம்மலர் அன்னம் நடித்த குறும்படத்திற்கு கிடைத்த அங்கீகாரம்.. 59 விருதுகளுக்கு மேல் பெற்று சாதனை!

வளர்ப்பு மகன்

தாய்க்கும் மகனுக்குமான உறவை மையப்படுத்தி உருவாகியுள்ளது இந்த 'சஷ்தி' குறும்படம், தான் வளர்ப்பு மகன் என்பதை அறியாமலேயே வளரும் சிறுவன் ஒருவன், சாதாரண பெண்ணாக இருக்கும் ஒருவரை எப்படி கடவுள் என நினைக்கும் அளவுக்கு ஒவ்வொரு காலகட்டத்திலும் அவனுடைய கருத்துக்கள் எப்படி மாறுகின்றன என்பதை அழகாக சொல்கிறது .

லைவ் ஆடியோ ரெக்கார்டிங்

இந்த படம் லைவ் ஆடியோ ரெக்கார்டிங் முறையில் உருவாகியுள்ளது தனிச்சிறப்பு. செம்மலர் அன்னம், லிசி ஆண்டனி, மாஸ்டர் ஜெப்ரி ஜேம்ஸ் ஆகியோர் முக்கிய கதாபாத்திரங்களில் நடித்துள்ளனர். இந்த 'சஷ்தி' குறும்படம் டோக்கியோ முதல் டொராண்டோ வரை , 25 திரைப்பட விழாக்களில் கலந்துகொண்டு பல்வேறு பிரிவுகளில் 59 விருதுகளை வென்றுள்ளது.

கதாபாத்திரம் தான் முக்கியம்

அம்மணி, சில்லு கருப்பட்டி, பொன்மகள் வந்தாள் போன்ற பல படங்களில் நடித்த செம்மலர் அன்னம் இந்த குறும்படத்தில் முக்கிய கதாபாத்திரத்தில் நடித்துள்ளார். நல்ல கதாபாத்திரம் தான் வெற்றிக்கு முக்கியமே தீவிர, நடிப்பதற்கு நிறமோ, அழகும் முக்கியமில்லை என்று தற்போது இருக்கும் சில நடிகைகள் நிரூபித்து வருகின்றனர். அதில் நடிகை செம்மலர் அண்ணமும் ஒருவர் .

ஒரு வருஷம் ஆயிடுச்சி

இதே போல் சரண்யா ரவிச்சந்திரன், கேப்ரில்லா போன்ற பலரும் சினிமா திரையில் சாதித்து வருகிறது குறிப்பிடத்தக்கது. நடிகை செம்மலர் அன்னத்திற்கு அங்கீகாரம் கிடைக்கும் விதமாக இந்த குறும்படத்தில் பல விருதுகளும் பெற்றுள்ளது. "30 நிமிடங்களுக்கு குறைவான நேரமே ஓடக்கூடிய இந்த குறும்படத்தை ஒரே வாரத்தில் படமாக்கி முடித்து விட்டாலும், இதற்கான கதை மற்றும் திரைக்கதையை உருவாக்க கிட்டத்தட்ட ஒரு வருட காலம் ஆனது" என்கிறார் ஜூட் பீட்டர் டேமியான்.