“உங்கள் காதுகளைப் பாதுகாத்துக் கொள்ளுங்கள்“..ரசிகர்களுக்கு அறிவுரை கூறிய அஜித்!

வலிமை

அஜித் நடிப்பில் அண்மையில் வெளியான திரைப்படம் வலிமை. அஜித்தின் 60-வது படமான வலிமை தமிழ், தெலுங்கு, இந்தி, கன்னடம் ஆகிய 4 மொழிகளில் வெளியாகி கலவையான விமர்சனங்களை பெற்றது. பைக்கை பயன்படுத்தி போதை பொருளை கடத்தும் கும்பலை விரட்டி விரட்டி பிடிக்கும் போலீஸ் அதிகாரியாக அஜித் நடித்திருந்தார். மேலும், இந்த படத்தில், அம்மா, தம்பி சென்டிமெண்ட் சற்று அதிகமாகவே இருந்ததால் இந்த படம் கலவையான விமர்சனங்களை பெற்றது. இருப்பினும் படம் வெளியான 3 நாட்களில் ரூ.100 கோடிக்கு மேல் வசூலித்து சாதனை படைத்தது.

3வது முறையாக

வலிமை படத்தின் வெற்றியை தொடர்ந்து அஜித் நடிப்பில் உருவாகும் படம் ஏகே 61. இந்த படத்தையும் எச்.வினோத் தான் இயக்குகிறார். ஏற்கனவே அஜித்தை வைத்து நேர்கொண்ட பார்வை, வலிமை போன்ற படங்கள் உருவாகிய அதே கூட்டணியில் தற்போது 3-வது முறையாக அஜித் படம் உருவாகி வருகிறது.

இரட்டை வேடத்தில்

அஜித் ஹீரோ மற்றும் வில்லன் என இரட்டை வேடத்தில் நடிக்கும் இந்த படத்தில் வங்கிக் கொள்ளையை மையமாக வைத்து தயாராகி வருகிறதாம். ஐதராபாத்தில் மவுண்ட் ரோடு போன்ற செட் அமைக்கப்பட்டு படப்பிடிப்பு நடைபெற்று வருகிறது. இதற்காக 9 ஏக்கரில் பிரம்மாண்ட செட் அமைக்கப்பட்டுள்ளது. இந்தப் படத்துக்கு பிறகு விக்னேஷ் சிவன் இயக்கத்தில் நடிக்கவிருக்கிறார். அந்தப் படத்துக்கான கதை வேலையும் விரைவில் தொடங்கவுள்ளது என்பது குறிப்பிடத்தக்கது.

"உங்கள் காதுகளைப் பாதுகாத்துக் கொள்ளுங்கள்"

இந்நிலையில், அஜித்தின் மேலாளர் சுரேஷ் சந்திரா வெளியிட்டுள்ள ட்விட்டர் பதிவில் டின்னிடஸ் தொடர்பான குறிப்பு அடங்கிய புகைப்படம் ஒன்றை பதிவிட்டு "உங்கள் காதுகளைப் பாதுகாத்துக் கொள்ளுங்கள்" நிபந்தனையற்ற அன்பு எப்போதும் அஜித்" என குறிப்பிட்டுள்ளார். இந்த பதிவு இணையத்தில் வைரலாகி வருகிறது.