»   »  ரஜினி கால்ஷீட்டுக்காக காத்திருக்கிறேன்.. எமன் கால்ஷீட் வேண்டாம்.. நடிகர் "தாடி" பாலாஜி!

ரஜினி கால்ஷீட்டுக்காக காத்திருக்கிறேன்.. எமன் கால்ஷீட் வேண்டாம்.. நடிகர் "தாடி" பாலாஜி!

Posted By:
Subscribe to Oneindia Tamil

சென்னை: ரஜினி, கமல், அஜீத், விஜய், தனுஷ் போன்றோருடன் நடிக்க கால்ஷீட் கொடுக்க காத்திருக்கிறேன். இந்த நிலையில் எமனுக்கு நான் கால்ஷீட் கொடுப்பேனா என்று நடிகர் பாலாஜி கூறியுள்ளார்.

சின்னத்திரை இயக்குநர் பாலாஜி யாதவ் தனது வீட்டில் தற்கொலை செய்து கொண்டார். இவர் லட்சுமி, துளசி, பயணம், உறவுகள், செல்வி என பல சீரியல்களை இயக்கியவர். சமீப காலமாக அவருக்கு இயக்கும் வாய்ப்புகள் வரவில்லை. இதனால் வருமானம் இல்லை, கடன் தொல்லையும் அதிகரித்ததாக கூறப்படுகிறது.

Actor Balaji comments on a news about him

இந்த நிலையில் பாலாஜி தற்கொலை என்ற செய்தியை சிலர் நடிகர் பாலாஜி தற்கொலை என்று பரப்பி விட்டு விட்டனர். இவரும் சின்னத்திரை நடிகர்தான். சினிமாவிலும் நடித்துள்ளார். டிவி தொகுப்பாளராகவும் இருந்து வருகிறார். தாடி பாலாஜி என்று நட்பு வட்டாரம் செல்லமாகவும் அழைக்கும்.

இயக்குநர் பாலாஜி மறைவை பலர் தாடி பாலாஜி மறைவு என்று செய்தி பரப்பி படத்துடன் சமூக வலைதளங்களில் செய்தியும் பரப்பி இரங்கலும் போட்டு விட்டனர்.

இதுகுறித்து நடிகர் பாலாஜி கூறுகையில், என் உடல் நிலை பற்றி வதந்திகள் பரவி உள்ளன. தேசிய விருது, ஆஸ்கர் விருது, தமிழக அரசு உள்ளிட்ட பல விருதுகளை பெறவும், அதே மாதிரி கமல், ரஜினி, அஜீத், விஜய், தனுஷ் போன்றோருடன் நடிப்பதற்கு கால்சீட் கொடுக்கவும் நான் காத்துக்கொண்டு இருக்கிறேன். அப்படி இருக்கும் போது, எமன் எனக்கு கால்சீட் கொடுத்து விடுவானா. கொடுக்கவே மாட்டான்.

உங்கள் ஆசிர்வாதத்தால் நல்லாவே இருப்பேன். இன்று என் உடல் நிலை பற்றி இப்படி ஒரு விஷயம் பரவி இருக்கிறது. பங்குனி உத்திரத்தில் எப்போதுமே இதுமாதிரி வதந்தி வந்தால் நூறு ஆயுசு என்று சொல்வார்கள், நன்றி என்று கூறியுள்ளார் பாலாஜி.

For Quick Alerts
ALLOW NOTIFICATIONS
For Daily Alerts

    English summary
    TV actor Balaji has commented that he is perfectly alright and fine .

    சினிமா செய்திகள், விமர்சனங்களை உடனுக்குடன் தெரிந்து கொள்கಿ - Filmibeat Tamil

    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Filmibeat sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Filmibeat website. However, you can change your cookie settings at any time. Learn more