ரசிகர்கள் எதிர்பார்ப்பது என் படத்தில் இல்லை... பட்டென போட்டுடைத்த பிரபல நடிகர்!

தேள் படம் விரைவில்

அந்த வகையில் பொன் மாணிக்கவேல் படம் ஓடிடி தளத்தில் ரிலீஸ் ஆகவுள்ளது. அதனை தொடர்ந்து பஹீரா படமும் விரைவில் திரைக்கு வரவுள்ளது. இதேபோல் பிரபு தேவா நடிப்பில் உருவாகியுள்ள தேள் படமும் விரைவில் ரிலீஸ் ஆகவுள்ளது. இந்தப் படத்தில் பிரபு தேவாவுக்கு ஜோடியாக சம்யுக்தா நடித்துள்ளார்.

அற்புதமான உழைப்பு

இந்தப் படத்தை ஹரிகுமார் இயக்கியுள்ளார். இந்தப் படத்தை ஸ்டுடியோ க்ரீன் நிறுவனம் தயாரித்துள்ளது. இந்நிலையில் நடிகர் பிரபு தேவா இப்படம் குறித்து மனம் திறந்து பேசியுள்ளார். அவர் கூறியிருப்பதாவது, இயக்குநர் ஹரிகுமார் மிகச்சிறப்பான பணியினை செய்துள்ளார். இயல்பை விடவும் பலமடங்கு அற்புதமான உழைப்பை இப்படத்திற்கு தந்துள்ளார். ஹரியும் நானும் பல ஆண்டுகளாக நெருங்கிய நண்பர்கள்.

நீங்கள் எதிர்பார்ப்பது இல்லை

இருவரும் உதவி நடன இயக்குனர்களாக பணியாற்றியிருக்கிறோம். இப்போது அவர் மீண்டும் புதிய தளத்தில் தன் திறமையை நிரூபிக்கவுள்ளார். உண்மையாகவே இந்த திரைப்படம் எனக்கு வித்தியாசமான அனுபவமாக இருந்தது. என் படத்தில் ரசிகர்கள் எதிர்பார்ப்பது நடனம் தான். ஆனால், இந்தப்படத்தில் எனக்கு நடன காட்சியே இல்லை. மேலும் நான் இடது கை பழக்கம் கொண்டவனாக முதல் முறையாக நடித்திருக்கிறேன்.

வழக்கமான நடிப்பு இல்லை

இந்தப் படத்தில் என்னுடைய வழக்கமான நடிப்பு இருக்க கூடாது என்பதில் ஹரிகுமார் உறுதியாக இருந்தார். எங்காவது வழக்கமான நடிப்பு வெளிப்பட்டால் அதனை உடனடியாக மாற்றிவிடுவார். சம்யுக்தா மிக பப்ளியான அழகான நாயகியாக மிளிர்கிறார். அவரது நடிப்பு இப்படத்தில் மிக முக்கிய அம்சமாக இருக்கும். இப்படம் மிக அழுத்தமான படைப்பாக, அனைவருக்கும் பிடிக்கும் படைப்பாக இருக்கும்' என கூறியுள்ளார்.