வேணாம்..விட்டுடு.. ப்ளூ சட்டை மாறனை வெச்சி செஞ்ச ஆர்.ஜே.பாலாஜி!

மூக்குத்தி அம்மன்

நயன்தாரா அம்மன் வேடத்தில் நாயகியாக நடித்த மூக்குத்தி அம்மன் திரைப்படம் டிஸ்னி பிளஸ் ஹாட்ஸ்டார் ஓடிடி தளத்தில் வெளியானது. குடும்பத்துடன் பார்க்கக்கூடிய பொழுதுபோக்கு அம்சங்கள் நிறைந்த ஜனரஞ்சகமான திரைப்படமாக மூக்குத்தி அம்மன் திரைப்படம் இருந்தது. அது மட்டும் இல்லாமல், நீண்டநாட்களுக்கு பிறகு சாமி படம் வெளியானதால் மக்கள் படத்தை ரசித்துப் பார்த்தனர்.

வீட்டில் விசேஷம்

ஆர்ஜே பாலாஜி தற்போது வீட்டில் விசேஷம் எனும் படத்தில் நடித்து முடித்திருக்கிறார். இந்த படம் கடந்த வாரம் திரையரங்கில் வெளியாகி பலரின் பாராட்டை பெற்று வருகிறது. இந்தியில் ஆயுஷ்மான் குரானா நடிப்பில் வெளியாகி மிகப்பெரிய வெற்றி பெற்ற பதாயி ஹோ படத்தின் தமிழ் ரீமேக்தான் வீட்டில் விசேஷம். இந்த படத்தில் ஆர்ஜே பாலாஜி நடித்தது மட்டுமல்லாமல் சரவணன் என்பவருடன் இணைந்து இந்த படத்தை இயக்கியிருக்கிறார்.

வித்தியாசமான கதை

போனிகபூர் தயாரித்துள்ள இந்தப் படத்தில் ஆர் ஜே பாலாஜியுடன் அபர்ணா பாலமுரளி, ஊர்வசி, சத்தியராஜ் போன்றோரும் நடித்திருக்கின்றனர். 50 வயதில் தனது அம்மா கர்ப்பமாகிறாள் இந்த செய்தியை குடும்பத்தில் உள்ளவர்களும் அக்கம்பக்கத்தினரும் எப்படி எடுத்துக்கொள்கிறார்கள் என்பதை தமிழ் ஆடியன்சுக்கு ஏற்ப நகைச்சுவையுடன் கூறி உள்ளார் ஆர்.ஜே.பாலாஜி. நடிப்புக்கு பெயர்போன ஊர்வசி இந்த படத்தில் அம்மாவாக வாழ்ந்து இருக்கின்றார். மேலும் சத்யராஜ் இந்த படத்தில் வழக்கம்போல் தனது சிறந்த நடிப்பை வெளிப்படுத்தி இருக்கின்றார்.

ப்ளூ சட்டை மாறன்

இந்நிலையில், திரைப்பட விமர்சகர் ப்ளூ சட்டை மாறன் ஆர்ஜே பாலாஜியின் வீட்ல விசேஷம் படத்தை கண்டபடி விமர்சித்துள்ளார். இதனால், கடுப்பான ஆர்.ஜே பாலாஜி, தனது ட்விட்டர் பக்கத்தில் ஒரு வீடியோவை வெளியிட்டுள்ளார். அதில், திரையரங்க உரிமையாளர்கள் பலரும் இப்படத்திற்கு ரசிகர்கள் கொடுத்து வரும் வரவேற்பு பற்றி சிறப்பாக பேசியிருந்தனர்.

வேணாம்..விட்டுடு..

இதையடுத்து,பேசிய ஆர்.ஜே.பாலாஜி, ப்ளூ சட்டை மாறனைப்போல மிமிக்ரி செய்து, யாருக்காக படம் எடுத்தோமோ அவங்களுக்கு புடிச்சிருந்தா போதும், சோ.. பச்சை சட்டை உனக்கு இந்த படம் பிடித்திருந்தால் போதும், எந்த நீல சட்டைக்கும் பிடிக்க வேண்டும் என்ற அவசியம் இல்லை என்று ஆர்.ஜே.பாலாஜி அவருக்கே உரிய குசும்புடன் ப்ளூ சட்டை மாறனை வச்சி செய்துள்ளார். இந்த வீடியோவை பார்த்த ரசிகர்கள் வேணாம்..விட்டுடு.. அழுதுடுவேன் என்று கூறி கமெண்ட் அடித்து வருகின்றனர்.