அதெப்படி என்பேரை சொல்லாம விட்டே.... தன்ஷிகாவை அழ வைத்த டிஆர்!

விழித்திரு :

எழுத்தாளர் மீரா கதிரவன், நீண்ட இடைவெளிக்குப் பிறகு இயக்கியுள்ள படம் 'விழித்திரு'. கிருஷ்ணா, விதார்த், வெங்கட்பிரவு, தன்ஷிகா, எரிக்கா பெர்னாண்டஸ், அபிநயா உள்பட பலர் நடித்துள்ளனர். 'விழித்திரு' படத்தில் டி.ராஜேந்தர் ஒரு பாடல் பாடியிருக்கிறார்.

டி.ஆரை மறந்த தன்ஷிகா :

படத்தில் தன்ஷிகா, டி.ராஜேந்தரின் ரசிகையாக நடித்திருப்பதாகக் கூறப்படுகிறது. நிகழ்ச்சியில் நடிகை தன்ஷிகா பேசும்போது டி.ராஜேந்தரின் பெயரைக் குறிப்பிட மறந்துவிட்டார்.

விளாசிய டி.ஆர் :

பின்னர் பேசிய டி.ராஜேந்தர், 'கபாலி' படத்தில் நடித்திருந்தாலும் மரியாதை தெரிந்திருக்க வேண்டும், மேடை நாகரீகம் வேண்டும் என தன் பாணியில் அடுக்குமொழியில் பேசி தன்ஷிகாவை வறுத்தெடுத்து விட்டார்.

கண்கலங்கிய தன்ஷிகா :

டி.ஆர் பேசியதை சற்றும் எதிர்பார்க்காத தன்ஷிகா மேடையிலேயே கண் கலங்கத் தொடங்கிவிட்டார். இது சிறு சலசலப்பை ஏற்படுத்தியது.பிறகு அவரே சமாதானமாகிவிட்டார். 'விழித்திரு' படம் அக்டோபர் 6-ம் தேதி ரிலீஸாக உள்ளது.