என் சின்னக்குட்டி வளர்ந்துவிட்டாள்...மகளின் பிறந்த நாளுக்கு அழகாக வாழ்த்து சொன்ன குஷ்பு !

நடிகை குஷ்பு

நடிப்பின் ராட்சசியான குஷ்பு சுந்தர்.சி இயக்கத்தில் உருவான முறைமாமன் படத்தில் கதாநாயகியாக நடித்த போது இருவருக்கும் காதல் மலர்ந்தது. குஷ்புவின் சுட்டித்தனமான பேச்சால் மனதை பறிகொடுத்த சுந்தர் சி தனது காதலை வெளிப்படுத்த இருவரும் திருமணம் செய்து கொண்டனர். திருமணம் முடிந்து கிட்டத்தட்ட 27 ஆண்டுகள் ஆகியும் இன்னும் இருவரும் அதே அன்புடன் இருக்கிறார்கள்.

தொடர்ந்து நடித்து வருகிறார்

சுந்தர் சி மற்றும் குஷ்பு தம்பதிகளுக்கு அவந்திகா, அனந்திதா என்று இரண்டு மகள்கள் இருக்கிறார்கள். நடிகை குஷ்பு திருமணத்திற்கு பிறகும், தொடர்ந்து நடித்து வருகிறார். கடந்த ஆண்டு ரஜினிகாந்துடன் அண்ணாத்த படத்தில் நடித்திருந்தார். தற்போது, வம்சி இயக்கத்தில் உருவான வாரிசு படத்தில் ஒரு முக்கியமான ரோலில் நடித்துள்ளார்

இணையத்தில் ஆக்டிவாக

சின்னத்திரை,வெள்ளித்திரை என அனைத்திலும் தனது தடத்தை பதித்து அதில் வெற்றியும் கண்ட குஷ்பு பாஜகவில் இணைந்து அரசியலிலும் கலக்கி வருகிறார். சமூகவலைத்தளத்தில் எப்போதும் ஆக்டிவாக இருக்கும் குஷ்பு, பல சமூக பிரச்சனைகளுக்கும் அவ்வப்போது துணிச்சலுடன் குரல் கொடுத்து வருகிறார்.

என் சின்னக்குட்டி வளர்ந்துவிட்டாள்

சோஷியல் மீடியாவில் ஆக்டிவாக இருக்கும் குஷ்பு, தனது இளைய மகள் அனந்திகாவின் 20வது பிறந்த நாளுக்கு வாழ்த்து தெரிவித்துள்ளார்.அதில், என் சின்னக்குட்டி வளர்ந்துவிட்டாள், இன்று அவளுக்கு 20 வயது ஆகிறது. 4 வாரங்களுக்கு முன்பு அவசரமாக பிறந்த உன்னை 4 மணிநேரம் கழித்துத்தான் கையில் கொடுத்தார்கள். நீ என்னைப் பார்த்து சிரித்ததில் இருந்து நான் என் சிரிப்பை என்றும் நிறுத்தவில்லை. நீ எப்பவும் எங்களுக்கு குட்டி பொம்மையாய் இருப்பாய். இனிய பிறந்தநாள் வாழ்த்துக்கள் என்று தனது மகளுக்கு அழகாக பிறந்த நாள் வாழ்த்து கூறியுள்ளார்.