யோகி பாபுவுக்கு ஜோடியாக நடிக்கும் லட்சுமி மேனன்!

முதல் படத்திலேயே ரசிகர்களின் மனதை ஈர்த்து

சசிகுமார் ஹீரோவாகவும் விஜய் சேதுபதி வில்லனாகவும் நடித்து பட்டையை கிளப்பிய திரைப்படம் சுந்தரபாண்டியன். முழுக்க முழுக்க வில்லேஜ் கதை களத்தில் நட்பை மையமாக வைத்து எடுக்கப்பட்ட இந்த திரைப்படத்தில் கதாநாயகியாக நடித்து தமிழ் சினிமாவிற்கு அறிமுகமானவர் நடிகை லட்சுமி மேனன். சுந்தரபாண்டியன் மிகப்பெரிய வெற்றி பெற்று பல மொழிகளில் ரீமேக் செய்யப்பட்டது. முதல் படத்திலேயே ரசிகர்களின் மனதை ஈர்த்து கனவு கன்னியாக மாறினார் லட்சுமி மேனன்

முன்னணி கதாநாயகியாக

அதைத் தொடர்ந்து வெளியான கும்கி,குட்டிப்புலி, பாண்டியநாடு, நான் சிகப்பு மனிதன், மஞ்சப்பை, ஜிகர்தண்டா,கொம்பன், மிருதன், றெக்க என இவரது நடிப்பில் வெளியான அனைத்து திரைப்படங்களும் சூப்பர் டூப்பர் வெற்றி பெற்றது தமிழ் சினிமாவில் முன்னணி கதாநாயகியாக வலம் வந்தார். மலையாளம் மற்றும் கன்னட மொழிகளிலும் ஒரு சில படங்களில் நடித்து அங்கும் பிரபலமான நடிகையாக உள்ளார்

சில ஆண்டுகளாகவே சினிமாவில் நடிக்காமல்

இந்த நிலையில் அஜித்துக்கு ஜோடியாக வேதாளம் படத்தில் நடித்த இவருக்கு அதன் பிறகு சரியான வாய்ப்புகள் எதுவும் வரவில்லை. இந்த நிலையில் கடந்த சில ஆண்டுகளாகவே சினிமாவில் நடிக்காமல் சற்று விலகி இருந்த லட்சுமி மேனனுக்கு புலிகுத்தி பாண்டி திரைப்படம் வெளியானது. மேலும் கௌதம் கார்த்திக்குடன் இணைந்து நடித்துள்ள சிப்பாய் திரைப்படமும் பல ஆண்டுகளாக வெளிவராமல் கிடப்பில் போடப்பட்டுள்ளது.

யோகிபாபுவுக்கு ஜோடியாக

மிகச் சிறந்த நடிகை மிகப்பெரிய ரசிகர்கள் பட்டாளத்தை கொண்ட லட்சுமிமேனன் திடீரென நடிக்காமல் இருந்த திரை உலகில் மிகப்பெரிய வெற்றிடத்தை ஏற்படுத்தியது. இந்த நிலையில் மீண்டும் படங்களில் நடிக்கத் தொடங்கி உள்ளதாக கூறப்படும் நிலையில் காமெடி நடிகர் யோகிபாபுவுக்கு ஜோடியாக புதிய திரைப்படத்தில் நடிக்க ஒப்பந்தமாகியுள்ளாராம். காதல் கலந்த காமெடி கதை களத்தில் உருவாகி வரும் இந்தப் படத்தை அறிமுக இயக்குனர் முருகேஷ் பூபதி இயக்க உள்ளாராம். இதுகுறித்த அதிகாரப்பூர்வ அறிவிப்பு மிக விரைவில் வெளியாகும் என எதிர்பார்க்கப்படுகிறது.

அதிகாரப்பூர்வ அறிவிப்பு

காமெடியனாக அறிமுகமாகியிருந்தாலும் ஹீரோவாக யோகி பாபு நடிக்கும் திரைப்படங்களும் நல்ல வரவேற்பை பெற்று வருகிறது. அந்த வகையில் கடைசியாக வெளியான மண்டேலா திரைப்பட விமர்சன ரீதியாக மாபெரும் வெற்றி பெற்று விருதுகளை குவித்தது. இந்த நிலையில் யோகிபாபுவுக்கு ஜோடியாக லட்சுமிமேனன் நடிக்க இருப்பது தமிழ் திரையுலகில் மிகப் பெரிய எதிர்பார்ப்பை ஏற்படுத்தியுள்ளது.