சென்னை: 50 ஆண்டுகள் தமிழ் சினிமாவை ஆண்ட ஆச்சி மனோரமாவின் 78 வது பிறந்தநாளில், அவர் குறித்த சில விவரங்களை நினைவு கூறலாம்.
*நாடக நடிகை, காமெடி நடிகை, பாடகி, வில்லி, தயாரிப்பாளர் என்று பன்முகங்கள் கொண்டவர்.
*தமிழ்,தெலுங்கு, மலையாளம், கன்னடம் என்று பல்வேறு மொழிகளில் 1500க்கும் அதிகமான படங்களில் நடித்து கின்னஸ் சாதனை படைத்திருக்கிறார்.
*5 முதல்வர்களுடன் சேர்ந்து நடித்தவர், 5 தலைமுறையினரை தனது நடிப்பால் மகிழ்வித்தவர் என்ற பெருமை இவருக்குண்டு.
*4 தலைமுறை நடிக, நடிகையருடன் சேர்ந்து நடித்திருக்கிறார்.
*நடிகையாக அறிமுகமான முதல் படம் மாலையிட்ட மங்கை. கடைசியாக நடித்த படம் சிங்கம் 2.
*காமெடி என்றாலே நடிகர்கள் மட்டும்தான் என்ற நிலையை மாற்றி நடிகைகளும் காமெடி செய்யலாம் என்று நிரூபித்துக் காட்டியவர்.
*கொஞ்சும் குமரி, அலங்காரி, பெரிய மனிதர், அதிசய பெண், குன்வாரா பாப்(இந்தி) போன்ற படங்களில் ஹீரோயினாக நடித்திருக்கிறார்.
*1989 ம் ஆண்டு புதிய பாதை படத்தில் சிறப்பாக நடித்ததற்காக சிறந்த துணை நடிகைக்கான தேசிய விருதை வென்றார்.
*வாழ்நாள் சாதனையாளர் விருது, பத்ம ஸ்ரீ(2002) போன்ற விருதுகளையும் வென்றிருக்கிறார்.
*கடந்த 2015 ம் ஆண்டு அக்டோபர் 15ம் தேதி மூச்சுத் திணறல் காரணமாக மனோரமா இறந்து போனார்.
*ஒட்டுமொத்த தமிழ்த் திரையுலகமே திரண்டு வந்து மனோரமா உடலுக்கு அஞ்சலி செலுத்தியது.
*மனோரமாவின் மறைவு குறித்து 'மனோரமாவையும் தமிழ் சினிமாவையும் பிரித்துப் பார்க்க முடியாது' என மருத்துவர் ராமதாஸ் கூறினார்.
*'தமிழ்போல எந்நாளும் மனோரமா புகழ் நிலைத்திருக்கும்' என ரசிகர்கள் தமிழ் மொழியுடன் மனோரமாவை ஒப்பிட்டு அஞ்சலி செலுத்தினர்.
இன்னும் எத்தனை வருடங்கள் ஆனாலும் மனோரமா விட்டுச்சென்ற வெற்றிடத்தை யாராலும் நிரப்ப முடியாது...
