நானியை ட்ராயிங் போர்டாக பயன்படுத்தி வரைந்த நடிகைகள்!

கேங் லீடர்

குழந்தைகள் முதல் பெரியவர்கள் வரை அனைவரும் வயது வித்தியாசம் பார்க்காமல் ரசிக்கும் நடிகராக விளங்கி வரும் நடிகர் நானி தெலுங்கு சினிமாவில் நேச்சுரல் ஸ்டார் என அழைக்கப்பட்டு வருகிறார். சமீபத்தில் இவரது நடிப்பில் வெளியான கேங் லீடர் நல்ல வரவேற்பை பெற்று ஹிட்டடித்தது.

போஸ்ட் புரொடக்ஷன் பணிகள்

தற்போது ஷியாம் சிங்கா ராய் மற்றும் டக் ஜெகதீஸ் ஆகிய படங்களில் நடித்து வருகிறார். இதில் டக் ஜெகதீஸ் திரைப்படத்தை இயக்குனர் சிவா நிர்வாண இயக்கி வருகிறார் ரிது வர்மா மற்றும் ஐஸ்வர்யா ராஜேஷ் ஆகியோர் கதாநாயகிகளாக நடித்துள்ளனர். இதன் படபிடிப்பு மொத்தமும் முடிந்து போஸ்ட் புரொடக்ஷன் பணிகள் நடைபெற்றுக் கொண்டுள்ளது.

பின்னடைவை சந்தித்தது

எதையும் மிக வித்தியாசமாக செய்யும் பண்பு கொண்ட நடிகர் நானி முதல் முறையாக நெகட்டிவ் ரோலில் நடித்து மிரட்டிய வீ திரைப்படம் கொரானா சூழல் காரணமாக நேரடியாக ஓடிடியில் வெளியிடப்பட்டது பின் திரையரங்குகளில் வெளியாகி இருந்தாலும் வசூல் ரீதியாக மிகவும் பின்னடைவை சந்தித்தது.

நடிகை நிவேதா தாமஸ்

இந்த நிலையில் இன்ஸ்டாகிராம் பக்கத்தில் நானி பதிவிட்டுள்ள வீடியோ ஒன்று அனைவரையும் கவர்ந்துள்ளது. அதில் நடிகை நிவேதா தாமஸ் மற்றும் இவரது மனைவி அஞ்சனா என இருவரும் நானியை ட்ராயிங் போர்டாக பயன்படுத்தி வரையும் திறமையை காட்டியுள்ள வீடியோ ஒன்றை தற்பொழுது வெளியிட்டுள்ளது அனைவரையும் கவர்ந்துள்ளது. குறிப்பாக அதில் நானி கொடுக்கும் எக்ஸ்பிரஷன் பேஷ் பேஷ்.