ஆத்தாடி இவருக்கும் வந்திருச்சாமே கொரோனா.. தனிமை சிகிச்சையில் பிரபல நடிகை ரகுல் பிரீத் சிங்!

சரிந்து வருகிறது

இருந்தாலும் இதைக் கட்டுப்படுத்த முடியவில்லை. சமீப காலமாக, இந்தியாவில் கொரோனா தாக்கம் குறைந்து வருவதாக சுகாதாரத்துறை தெரிவித்து உள்ளது. புதிதாக இந்தத் தொற்றுக்கு ஆளாவோரின் எண்ணிக்கையும் பலி எண்ணிக்கையும் சரிந்து வருகிறது.

உயிர்கொல்லி தொற்று

இந்தியாவில் மொத்த கொரோனா பாதிப்பு எண்ணிக்கை 1,00,75,116 ஆக அதிகரித்துள்ளது. உயிரிழந்தவர்கள் எண்ணிக்கை 1,46,111 ஆக உயர்ந்துள்ளது. இந்த உயிர்கொல்லி தொற்றுக்கு சினிமா பிரபலங்களும் பாதிக்கப்பட்டுள்ளனர். பலர் உயிரிழந்துள்ளனர். கொரோனா பாதித்த பல நடிகர், நடிகைகள் சிகிச்சைக்குப் பின் குணமாகித் திரும்பி இருக்கிறார்கள்.

ஐஸ்வர்யா ராய்

நடிகர் அமிதாப் பச்சன், அபிஷேக் பச்சன், ஐஸ்வர்யா ராய், விஷால், ராஜமவுலி, மலைகா அரோரா, நிக்கி கல்ராணி, சுமலதா, நடிகை தமன்னா, கீர்த்தி சனான், அர்ஜுன் கபூர், பிருத்விராஜ், வருண் தாவன். நடிகர் சரத்குமார் உட்பட பலர் பாதிக்கப்பட்டனர். பின்னர் சிகிச்சைப் பெற்று அவர்கள் வீடு திரும்பினர்.

ரகுல் பிரீத் சிங்

இந்நிலையில், தனக்கும் கொரோனா பாதிக்கப்பட்டதாக நடிகை ரகுல் பிரீத் சிங் தெரிவித்துள்ளார். இதுபற்றி ட்விட்டரில் அவர் கூறியிருப்பதாவது: எனக்கு கொரோனா பாதிப்பு ஏற்பட்டுள்ளது. என்னை தனிமைப்படுத்திக் கொண்டு சிகிச்சை பெற்று வருகிறேன். நன்றாக இருக்கிறேன்.

பாதுகாப்பாக இருங்கள்

சில நாட்கள் ஓய்வுக்குப் பிறகு படப்பிடிப்பில் மீண்டும் கலந்துகொள்வேன். என்னை சமீபத்தில் சந்தித்தவர்கள், கொரோனா பரிசோதனை செய்துகொள்ளும்படி கேட்டுக்கொள்கிறேன். நன்றி. தயவு செய்து பாதுகாப்பாக இருங்கள். இவ்வாறு அவர் கூறியுள்ளார். இதையடுத்து அவர் விரைவில் அவர் விரைவில் குணமடைய வாழ்த்துகளை தெரிவித்து வருகின்றனர்.

கமலின் இந்தியன்

தமிழில், தடையறத் தாக்க, என்னமோ ஏதோ, தீரன் அதிகாரம் ஒன்று, தேவ் உட்பட சில நடித்துள்ள ரகுல் பிரீத் சிங், இப்போது சிவகார்த்தியேன் நடிக்கும் அயலான், ஷங்கர் இயக்கத்தில் கமல்ஹாசன் நடிக்கும் இந்தியன் 2 படங்களில் நடித்து வருகிறார். இந்தி, தெலுங்கு படங்களிலும் நடித்து வருகிறார்.