இன்றைய இளசுகளையும் விட்டுவைக்காத சில்க் ஸ்மித்தா..காந்த கண்ணழகியின் 60வது பிறந்த நாள் !

ரியல் சென்சேஷனல் ஆஃப் சவுத் இந்தியா

நடிகை சில்க் ஸ்மித்தாவின் உண்மையான பெயர் விஜயலட்சுமி. இயக்குனர் வினு சக்கரவர்த்தி அவரின் படத்தில் விஜயலக்ஷ்மியை ஸ்மித்தாவாக அறிமுகம் செய்தார். பின்னர், வண்டிச்சக்கரம் என்னும் படத்தில் சில்க் என்னும் கதாபாத்திரத்தில் நடித்து அது பிரபலமடைய சில்க் ஸ்மித்தா என்று எல்லோராலும் அழைக்கப்பட்டார். தமிழ், தெலுங்கு, மலையாளம் என 17 வருடங்களில் 450க்கும் மேற்பட்ட படங்களில் நடித்து ரியல் சென்சேஷனல் ஆஃப் சவுத் இந்தியாவாக திகழ்ந்தார் சில்க் ஸ்மிதா.

நடிகர்களுக்கு இணையான சம்பளம்

நடிகை சில்க் ஸ்மித்தா நடித்த பெரும்பாலான படங்களில் இயக்குனர்கள் அவருக்கென ஒரு தனி கதாபாத்திரத்தையும், பாடலையும் தேடி தேடி வைத்தனர். அது மட்டுமின்றி அந்த காலத்திலேயே நடிகர்களுக்கு இணையான சம்பளம் வாங்கிய நடிகை சில்க் ஸ்மிதா ஒருவரே ஆவார். அந்த அளவுக்கு அவருடைய ரசிகர் பட்டாளம் பரந்து இருந்தது.

வழிமாறிய சில்க்

தென்னிந்திய சினிமாவில் சில வருடங்களிலேயே மிக பெரிய இடத்தை பிடித்த சில்க் ஸ்மித்தாவின் வாழ்க்கை தற்கொலையில் (என்று சொல்லப்படுகிறது) முடிந்தது குறிப்பிடத்தக்கது. ஸ்மித்தா என்னும் சகாப்தத்தின் முடிவு இவ்வாறு முடிவடைந்தது இன்றளவும் ரசிகர்களிடத்தில் ஒரு வருத்தத்திற்குரிய விஷயமாகும்.

நினைவுகூர்வதில் பெருமை

நடிகை சில்க் ஸ்மித்தாவின் சினிமா வாழ்க்கையில் சிறந்து விளங்கியது மட்டுமன்றி அவருடைய நிஜ வாழ்விலும் அவரை நாடி வந்தோருக்கு பல உதவிகளை செய்துள்ளார். அவரது 60வதுபிறந்த நாளை 80ஸ் 90ஸ் ரசிகர்கள் மட்டும் இன்று இன்றைய இளசுகளும் வாட்ஸ்அப் ஸ்டேடசாக வைத்தும், காமன் டிபியை வைத்தும் அவரது பிறந்த நாளை கொண்டாடினர். பேரழகி,கவர்ச்சி என்ற ஆயுததால் அனைவரையும் கட்டிப்போட்ட தென்னாட்டு தேவதையின் 60வது பிறந்தநாளை நினைவு கூறுவதில் FilmiBeat tamil பெருமை கொள்கிறது.