பிக்பாஸ் நிகழ்ச்சியா வேணவே வேணாம்பா.. அலறியடித்து ஓடும் வித்யூலேகா!

நடிகை வித்யூலேகா

நடிகை வித்யூலேகா ராமன் நீதானே என் பொன் வசந்தம் படத்தில் சமந்தாவின் தோழியாக கோலிவுட்டில் அறிமுகமானவர். தொடர்ந்து தமிழ், தெலுங்கு உள்ளிட்ட மொழிகளில் இதுபோன்ற கேரக்டர்களில் நடித்து வருகிறார். தீயா வேலை செய்யணும் குமாரு, ஜில்லா, வீரம், காக்கி சட்டை, இனிமே இப்படித்தான், வேதாளம், வாசுவும் சரவணனும் ஒண்ணா படிச்சவங்க உள்ளிட்ட படங்களில் இவரது நடிப்பு ரசிகர்களை கவர்ந்தது.

காதல் திருமணம்

குண்டாக பப்ளியாக இருந்த வித்யூலேகா, உடம்பை சிறப்பாக குறைத்து ஸ்லிம்மானார். தொடர்ந்து சஞ்சய் என்பவரை காதலித்து திருமணமும் செய்துக் கொண்டார். தொடர்ந்து ரசிகர்களை கவரும் வகையில் ஸ்விம்மிங் உடையில் படங்களை வெளியிட்டு அதிரடி கிளப்பினார். தொடர்ந்து படங்களில் நடித்து வருகிறார்.

சர்ச்சைக்கு பதிலடி

இந்த ஸ்விம்மிங் உடைகளை பார்த்து அவர் விவாகரத்து செய்துவிட்டாரா என்று ரசிகர்கள் எழுப்பிய கேள்விக்கு, உடைமூலம் ஒருவருக்கு விவாகரத்து ஆகும் என்றால், நன்றாக உடை உடுத்துபவர்கள் மிகவும் சிறப்பான வாழ்க்கையை வாழ வேண்டுமே. ஆனால் அப்படி நடப்பதில்லையே என்று எதிர்கேள்வி எழுப்பி அனைவரையும் ஆச்சர்யப்படுத்தினார்.

குக் வித் கோமாளி நிகழ்ச்சியில் வித்யூலேகா

இதனிடையே தற்போது விஜய் டிவியின் குக் வித் கோமாளி நிகழ்ச்சியிலும் பங்கேற்று ரசிகர்களை அதிகமாக கவர்ந்துள்ளார். இந்த நிகழ்ச்சியின் இறுதிப்போட்டி அடுத்த வரம் ஒளிபரப்பாக உள்ளது. இதில் 6 இறுதிப்போட்டியாளர்கள் பங்கேற்றுள்ள நிலையில், வித்யூலேகாவும் ஒருவர்.

பாலா சகோதரர் போன்றவர்

இந்நிலையில் தனியார் ஊடகத்திற்கு அளித்துள்ள பேட்டி ஒன்றில், பல விஷயங்கள் குறித்து அவர் ஷேர் செய்துள்ளார். குக் வித் கோமாளி நிகழ்ச்சியின் சக போட்டியாளர்கள் மற்றும் கோமாளிகளை தான் மிகவும் மிஸ் செய்வதாக தெரிவித்துள்ளார். மேலும் பாலா தனது சகோதரர் போன்றவர் என்றும் நெகிழ்ச்சி தெரிவித்துள்ளார்.

பிக்பாஸ் நிகழ்ச்சி வேண்டாம்

பிக் பாஸ் நிகழ்ச்சியில் கலந்துக் கொள்வாரா என்ற கேள்விக்கு பதிலளித்த அவர், மகிழ்ச்சியான குக் வித் கோமாளி நிகழ்ச்சியிலேயே பல சர்ச்சையான நிகழ்வுகள் நடைபெறும் நிலையில், பிக்பாஸ் நிகழ்ச்சி தனக்கு வேண்டவே வேண்டாம் என்று அவர் பதிலளித்துள்ளார். தான் தற்போது மகிழ்ச்சியாக உள்ளதாகவும் அதுவே போதும் என்று தெரிவித்துள்ளார்.