உங்க போதைக்கு நாங்க ஊறுகாயா?: ஐஸ்வர்யா பட டீலுக்கு ராணுவம் எதிர்ப்பு

ரூ. 5 கோடி

படத்தில் பாகிஸ்தான் நடிகரை நடிக்க வைத்ததற்கு பரிகாரமாக ராணுவ நல நிதிக்கு ரூ. 5 கோடி கொடுக்க வேண்டும் என்று நவநிர்மன் சேனா விதித்த நிபந்தனையை கரண் ஏற்றுக் கொண்டுள்ளார்.

ராணுவம்

நவநிர்மன் சேனா, கரணிடையேயான இந்த ஒப்பந்தத்திற்கு ராணுவ அதிகாரிகள் எதிர்ப்பு தெரிவித்துள்ளனர். ராணுவ நல நிதிக்கு தானாக விரும்பி நிதி அளிக்க வேண்டுமே தவிர பரிகாரத்திற்காக அல்ல என மூத்த ராணுவ அதிகாரி ஒருவர் தெரிவித்துள்ளார்.

அரசியல்

அவர்களின் அரசியலில் ராணுவத்தை இழுத்துள்ளது வேதனை அளிக்கிறது. ராணுவத்திற்கும் அரசியலுக்கும் தொடர்பு இல்லை. அதனால் ராணுவத்தை அரசியலுக்கு இழுப்பது தவறு என்று மற்றொரு ராணுவ அதிகாரி கூறியுள்ளார்.

முடியாது

மகாராஷ்டிரா நவநிர்மன் சேனா விதித்துள்ள நிபந்தனை சரியில்லை. இதை ராணுவம் ஒருபோதும் ஆதரிக்காது என முன்னாள் ராணுவ செயலாளர் ஓய்வு பெற்ற லெப்டினென்ட் ஜெனரல் செய்யது அத்தா ஹஸ்னைன் தெரிவித்துள்ளார்.