தனுஷுக்கும் சரி, நயனுக்கும் சரி வில்லன்னா அது கவுதம் மேனன் தான்

இமைக்கா நொடிகள்

அஜய் ஞானமுத்து இயக்கத்தில் அதர்வா, நயன்தாரா நடிக்கும் இமைக்கா நொடிகள் படத்தில் வில்லத்தனம் செய்ய ஏற்ற நபரை தேடிக் கொண்டிருந்தனர். அப்போது அஜய்க்கு கவுதம் மேனனின் நினைவு வந்தது.

கவுதம்

அஜய் கவுதம் மேனனை அணுகி நான் இயக்கும் இமைக்கா நொடிகள் படத்தில் நீங்கள் தான் சார் வில்லனாக நடிக்க வேண்டும் என்று கேட்டுள்ளார். இமைக்கா நொடிகளில் நடிக்க கவுதம் முதலில் தயங்கியுள்ளார்.

வில்லன்

அஜய் தனது படத்தின் முழுக் கதையையும் கூறிய பிறகு வில்லனாக நடிக்க கவுதம் மேனன் ஒப்புக் கொண்டுள்ளார். படப்பிடிப்பு வரும் அக்டோபர் மாதம் துவங்குகிறது.

நயன்தாரா

இமைக்கா நொடிகள் படத்தில் நயன்தாரா அத்ரவாவின் ஜோடி கிடையாது. நேர்மையான போலீஸ் கமிஷனராக நடிக்கிறாராம் நயன். நயன் போலீஸ் என்றால் கவுதம் என்ன மாதிரியான வில்லனாக இருப்பார் என்பதை தெரிந்து கொள்ள ரசிகர்கள் ஆவலாக உள்ளனர்.

தனுஷுக்கும்

என்னை நோக்கி பாயும் தோட்டா படத்தை கவுதம் இயக்க மட்டும் இல்லை தனுஷுக்கு வில்லனே அவர் தானாம். வில்லன் கதாபாத்திரத்தில் முத்திரை பதிக்க வாழ்த்துக்கள் கவுதம்.