கவினின் அடுத்த என்ட்ரி...டைட்டிலுடன் வெளிவந்த அசத்தல் அப்டேட்

வெப்சீரிசில் நடிக்கிறார் கவின்

லிஃப்ட் படம் விரைவில் ரிலீசாக உள்ளது. இந்நிலையில் அடுத்தபடியாக வெப்சீரிஸ் ஒன்றில் நடிக்க போகிறாராம் கவின். இதற்கு ஆகாசவானி என பெயரிடப்பட்டுள்ளது. இந்த வெப்சீரிஸ் பற்றிய மற்ற தகவல்கள் ஏதும் வெளியிடப்படவில்லை.

நெல்சனிடம் அசிஸ்டென்ட் டைரக்டர்

இருந்தாலும் இந்த வெப்சீரிஸின் பூஜை ஃபோட்டோக்கள் சமூக வலைதளங்களில் வேகமாக பரவி வருகிறது. நடிப்பதுடன் டைரக்டர் நெல்சன் திலீப்குமாரிடம் அசிஸ்டென்ட் டைரக்டராகவும் பணியாற்றி வருகிறார் கவின்.

விஜய்யின் பீஸ்ட்டிலும் கவின்

நெல்சன் திலீப்குமார் தற்போது விஜய் நடிக்கும் பீஸ்ட் படத்தை இயக்கி வருகிறார். இதுவரை நெல்சன் இயக்கிய அனைத்து படங்களிலும் அசிஸ்டென்ட் டைரக்டராக கவின் பணியாற்றி உள்ளார். பீஸ்ட் படத்திலும் கவின் பணியாற்றி வருகிறார்.

விரைவில் வெப்சீரிஸ் பணிகள்

பீஸ்ட் படத்தின் வேலைகள் விரைவில் நிறைவடைய உள்ளதாம். அதற்குள் லிஃப்ட் படமும் ரிலீசுக்கு தயாராகி விடுமாம். இந்த இரண்டு படங்களின் வேலைகள் நிறைவடைந்ததும் வெப்சீரிஸில் கவின் நடிக்க துவங்க உள்ளாராம்.