சும்மாவே ட்விட்டரில் வச்சு செய்வாங்க, இதுல இப்படி உசுப்பேத்திய ஐஸ்வர்யா ராய்

மும்பை: கேன்ஸ் திரைப்பட விழாவில் லாவெண்டர் நிற லிப்ஸ்டிக் போட்டதற்காக நடிகை ஐஸ்வர்யா ராயை ரசிகர்கள் ட்விட்டரில் சகட்டு மேனிக்கு கிண்டல் செய்கிறார்கள்.

நடிகை ஐஸ்வர்யா ராய் பல ஆண்டுகளாக கேன்ஸ் திரைப்பட விழாவில் கலந்து கொண்டு வருகிறார். இந்த ஆண்டு விழாவில் கலந்து கொண்ட அவர் என்ன ஆடை அணிவது என்று தெரியவில்லை, ரசிகர்கள் என்னை சமூக வலைதளங்களில் கிண்டல் செய்தாலும் கவலை இல்லை என்று தெரிவித்தார்.

இந்நிலையில் அவர் சரப்ஜித் பட ப்ரீமியரின்போது லாவெண்டர் நிற லிப்ஸ்டிக் போட்டு வந்து அனைவரையும் அதிர வைத்தார். அதில் இருந்து ரசிகர்கள் ட்விட்டரை தெறிக்கவிட்டு வருகிறார்கள்.