இப்படித்தான் கட்டிப் பிடிக்கணும்.. மகனை அரவணைத்த ஐஸ்வர்யா ரஜினிகாந்த்.. டிரெண்டாகும் புகைப்படம்!

கணவருடன் விவாகரத்து

இந்த ஆண்டு ஜனவரி மாதம் 17ம் தேதி நடிகர் தனுஷ் மற்றும் ஐஸ்வர்யா ரஜினிகாந்த் இருவரும் ஒருவரை ஒருவர் பிரிவதாக அதிகாரப்பூர்வமாக சமூக வலைதளங்களில் அறிவித்தது ஒட்டுமொத்த ரசிகர்களையும் பேரதிர்ச்சியில் ஆழ்த்தியது. 18 வருட திருமண வாழ்க்கையை இருவரும் முடிவுக்கு கொண்டு வந்தனர்.

வெறித்தனமான வொர்க்கவுட்

சினிமா பயணத்திற்காக தன்னை தயார் செய்து கொள்ள ரொம்பவே கஷ்டப்பட்டு ஏகப்பட்ட வொர்க்கவுட்டுகளையும் ஐஸ்வர்யா ரஜினிகாந்த் செய்து வருகிறார். தனது இன்ஸ்டாகிராம் பக்கத்தில் அதன் வீடியோக்களையும், போட்டோக்களையும் அடிக்கடி போட்டு டிரெண்ட் செய்து வந்த அவர் தனது அடுத்த பட அறிவிப்பையும் சமீபத்தில் வெளியிட்டார்.

இயக்கத்தில் கவனம்

தனுஷ், ஸ்ருதிஹாசன் நடிப்பில் வெளியான 3 படத்தை இயக்கி இயக்குநராக அறிமுகமான ஐஸ்வர்யா ரஜினிகாந்த், அடுத்ததாக கெளதம் கார்த்திக்கை வைத்து வை ராஜா வை படத்தை இயக்கினார். ஆனால், அதன் பிறகு பல ஆண்டுகள் ஆகியும் அவர் எந்தவொரு படத்தையும் இயக்கவில்லை. தனுஷை பிரிந்த நிலையில், தற்போது மீண்டும் இயக்கத்தில் ஆர்வம் காட்டி வருகிறார். சமீபத்தில் ஆல்பம் பாடல் ஒன்றையும் இயக்கி இருந்தார்.

அப்பாவை வைத்து

விஷ்ணு விஷால், விக்ராந்த் மற்றும் சிறப்பு தோற்றத்தில் அப்பா ரஜினிகாந்த் நடிக்க உள்ள லால் சலாம் படத்தை இயக்கி வருகிறார் ஐஸ்வர்யா ரஜினிகாந்த். லைகா தயாரிப்பில் உருவாகி வரும் அந்த படத்திற்கு ஏ.ஆர். ரஹ்மான் இசையமைக்கிறார். சமீபத்தில் ஏ.ஆர். ரஹ்மான் மற்றும் அப்பா ரஜினியுடன் எடுத்துக் கொண்ட போட்டோக்களை தனது சோஷியல் மீடியா பக்கத்தில் பதிவிட்டு இருந்தார் ஐஸ்வர்யா ரஜினிகாந்த்.

லிங்காவை கட்டியணைத்து

ஷூட்டிங்கில் பிசியாக இருக்கும் ஐஸ்வர்யா ரஜினிகாந்த் தனது மகனை கட்டியணைத்து பாசத்தை பொழியும் லேட்டஸ்ட் போட்டோவை தனது இன்ஸ்டாகிராம் பக்கத்தில் தற்போது பதிவிட்டு லைக்குகளை அள்ளி உள்ளார். 'Hugs like this Linga' என ஹார்ட்டீன்களை பறக்கவிட்டுள்ளார் ஐஸ்வர்யா ரஜினிகாந்த்.