அஜீத் ரசிகர்களே.. உங்க ஆட்டத்துல இது புது ரகமாவுல்ல இருக்கு..!

சிலை மோகம் :

அஜித் ரசிகர்கள் உற்சாகமாக 'விவேகம்' படத்தைப் பார்க்கக் காத்திருக்கிறார்கள். சமீபத்தில் அஜித்தின் மீது வைத்திருக்கும் அலாதி பிரியத்தால் அவரது ரசிகர்கள் கும்பகோணத்தில் அஜித்துக்காகச் சிலை திறந்தனர். விஜய் ரசிகர்களும் சில நாட்களுக்கு முன்பு சிலை நிறுவியது குறிப்பிடத்தக்கது.

அஜித் இட்லி :

இந்நிலையில் தற்போது, வடசென்னையில் உள்ள வீர சென்னை அஜித் நண்பர்கள் சார்பாக அஜித்தின் உருவத்தில் 57 கிலோ எடை கொண்ட இட்லியை உருவாக்கியிருக்கிறார்கள். 'விவேகம்' அஜித்தின் 57-வது படம். எனவே, இப்படி வித்தியாசமாக இட்லி செய்ய முடிவெடுத்தார்களாம்.

பொதுமக்களின் பார்வைக்கு :

இந்த 57 கிலோ எடைகொண்ட அஜித் இட்லியை பொதுமக்கள் மற்றும் அஜித் ரசிகர்கள் பார்ப்பதற்காக பாரத் திரையரங்க முகப்பில் வைக்க இருக்கிறார்கள். அதுமட்டுமன்றி அஜித்தின் வீட்டுக்கும் எடுத்து செல்லலாம் என்ற எண்ணமும் உள்ளதாம்.

வேர்ல்டுலயே ஃபர்ஸ்ட் :

இந்த இட்லியை இனியவன் எனும் அஜித் ரசிகர் உருவாக்கியிருக்கிறார். இதுவரை எந்தத் தமிழ் நடிகருக்கும் இதுமாதிரி இட்லி வடிவத்தில் அவர்களின் உருவத்தைப் பொறித்தது இல்லை. அவ்வளவு ஏன், உலக வரலாற்றிலேயே இதுதான் முதல்முறையாக இருக்கக்கூடும்.

குஷ்பு இட்லிக்குப் போட்டியா வந்துருச்சு! :

பெரியதாக, மென்மையாக இருக்கும் 'குஷ்பூ இட்லி' தமிழகத்தின் பல இடங்களில் பரவலாகக் கிடைக்கும். இனிமேல், குஷ்பூ இட்லியைப் போல அஜித் இட்லியும் பேசப்படும் எனத் தெரிகிறது.