ஏகே 61 படத்திற்காக அஜித் செய்ய போகும் காரியம்...வலிமை விமர்சனத்திற்கு பதிலடியா ?

அஜித்தை கிண்டல் செய்த ஹேட்டர்ஸ்

குறிப்பாக அஜித்தின் குண்டான தோற்றத்தை சிலர் பாடி சேமிங் செய்து விமர்சித்தனர். அஜித் ஹேட்டர்ஸ் பலர் மிக மோசமான விமர்சனங்களை தொடர்ந்து சோஷியல் மீடியாவில் பகிர்ந்து வந்தனர். ஒரு பக்கம் வலிமைக்கு எதிராக வழக்குகளும் போடப்பட்டு வருகிறது. ஆனால் அஜித் ரசிகர்கள், தியேட்டர் உரிமையாளர்கள், குடும்ப ஆடியன்ஸ் என யாரும் அதை பெரிதாக கண்டுகொள்ளவில்லை. தொடர்ந்து வலிமையை கொண்டாடி வருகின்றனர்.

ஏகே 61 க்கு தயாராகும் டீம்

வலிமையின் பிரம்மாண்ட வெற்றி கொடுத்த சந்தோஷத்துடன் ஹெச். வினோத், போனி கபூர், அஜித் ஆகியோர் அடுத்து 61 படத்திற்கு தயாராகி வருகின்றனர். இந்த படத்தின் ஷுட்டிங் மார்ச் 9 ம் தேதி ஐதராபாத்தில் ஸ்பெஷல் பூஜையுடன் துவங்க உள்ளது. இந்த படத்தில் ஹீரோ, வில்லன் என இரண்டு கேரக்டர்களில் நடிக்கிறார் அஜித். வில்லன் கேரக்டருக்கான நெகடிவ் இமேஜை சமீபத்தில் போனி கபூரே வெளியிட்டார். இந்த படத்தில் பிரகாஷ் ராஜ், தபு உள்ளிட்டோர் நடிக்க உள்ளதாக ஏற்கனவே தகவல் வெளியானது.

ஏகே 61 க்கு அஜித் செய்யும் காரியம்

இந்நிலையில் லேட்டஸ்ட் தகவலாக, ஹெச்.வினோத், அஜித், போனி கபூர் மூன்றாவது முறையாக கூட்டணி சேரும் ஏகே 61 என தற்காலிகமாக பெயரிடப்பட்டுள்ள இந்த படத்திற்காக அஜித் 10 கிலோ எடையை குறைத்துள்ளாராம். மொத்தம் 25 கிலோ வரை எடையை குறைக்க பிளான் செய்துள்ளாராம். வலிமை படத்தில் கிடைத்த மோசமான கமெண்டிற்கு பதிலடி கொடுப்பதற்காக அஜித் இப்படி ஒரு பிளானில் இறங்கி உள்ளாரா என நெட்டிசன்கள் கேட்டு வருகின்றனர். சமீபத்தில் நீண்ட வெள்ளை தாடியுடன் அஜித், சென்னையில் ஓட்டல் ஒன்றிற்கு வந்த போது எடுக்கப்பட்ட போட்டோ ஒன்று வெளியானது. இது ஏகே 61 ல் வில்லன் ரோலிற்கான கெட்அப்பாம். ஸ்லிம் தோற்றம் ஹீரோவிற்கானது என கூறப்படுகிறது.

என்ன ரோலில் நடிக்கிறார் அஜித்

நேர்கொண்ட பார்வையில் வக்கீல், வலிமையில் போலீஸ் அதிகாரியாக நடித்த அஜித், ஏகே 61 படத்தில் மிக சாதாரண மனிதர் ரோலில் நடிக்க போகிறாராம். வலிமையில் அஜித்திற்கு டூயட் சாங் இல்லையே என கவலைபட்ட ரசிகர்களை குஷிப்படுத்த ஏகே 61 படத்தில் அஜித்திற்கு ஜோடியாக அதிதி ராய் நடிக்க போகிறாராம். மற்ற நடிகர், நடிகைகள் பற்றிய விபரங்கள் விரைவில் வெளியிடப்பட உள்ளதாம்.