என்னது...ஆக்ஷன் இல்லாத ஏகே படமா?...நம்ப முடியாமல் திகைக்கும் ரசிகர்கள்

கவனத்தை ஈர்க்கும் அஜித் படங்கள்

நேர்கொண்ட பார்வை, வலிமை படங்களின் பிரம்மாண்ட வெற்றியை தொடர்ந்து அஜித், ஹெச்.வினோத், போனி கபூர் மூன்றாவது முறையாக இணைந்துள்ள படம் ஏகே 61. வலிமையின் பிரம்மாண்ட வசூல் சாதனை, ரசிகர்கள் கொடுத்த பெரும் ஆதரவை தொடர்ந்து அஜித் அடுத்து நடிக்க போகும் ஏகே 61, ஏகே 62, ஏகே 63 படங்களில் தான் அனைவரின் கவனமும் திரும்பி உள்ளது.

ஏகே 61 கதை இது தானா

அஜித்தின் அடுத்த படமான ஏகே 61 படத்தையும் ஹெச்.வினோத் தான் இயக்குகிறார். ஹீரோ, வில்லன் என அஜித் இரட்டை வேடங்களில் நடிக்கும் இந்த படம் வங்கி கொள்ளையை மையமாகக் கொண்ட கதை. இதில் வில்லன் கேரக்டருக்காக நீண்ட வெள்ளை தாடியுடன் இருக்கும் வயதான தோற்றத்திற்கும், ஹீரோ கேரக்டருக்காக உடல் எடையை குறைத்து செம இளமையான தோற்றத்திற்கும் அஜித் மாறி வருகிறார்.

ஏகே 61 ஷுட்டிங் எப்போ

மார்ச் மாதமே இந்த படத்தின் ஷுட்டிங் துவங்கப்படும் என முதலில் கூறப்பட்டது. ஆனால் தற்போதைய தகவலின் படி ஏகே 61 படத்தின் ஷுட்டிங் ஏப்ரல் இரண்டாவது வாரத்தில் துவங்கப்பட உள்ளதாம். முதல் கட்ட ஷுட்டிங், ஏற்கனவே திட்டமிட்டது போல் ஐதராபாத்தில் அமைக்கப்பட்டுள்ள சென்னை அண்ணா சாலை செட்டில் தான் துவங்கப்பட உள்ளதாம். அன்றே படத்தின் டைட்டிலையும் அறிவிக்க போகிறார்களாம்.

என்னது ஆக்ஷன் கிடையாதா

2022 ம் ஆண்டு தீபாவளி ரிலீசை குறிவைத்து ஏகே 61 படம் எடுக்கப்பட உள்ளது. இதில் லேட்டஸ்ட் ஷாக் தகவல் என்னவென்றால் இந்த படத்தில் வழக்கமான அஜித் படங்களை போல் இல்லாமல் மிக மிக குறைந்த ஆக்ஷன் காட்சிகள் மட்டுமே உள்ளதாம். அஜித் நடிப்பு திறமையை முழுக்க முழுக்க இந்த படத்தில் பயன்படுத்த போகிறார்களாம். இந்த படத்திற்கு ஜிப்ரான் இசையமைக்க போகிறார்.