தீபாவளிக்கு அஜீத் படம்... அதுக்குள்ள பேர் வச்சிடுவீங்களா?

இந்த ஆண்டும் 'தல தீபாவளி'தான் என்ற குஷியில் குதிக்கிறார்கள் அஜீத் ரசிகர்கள். காரணம், தீபாவளிக்கு வருமா வராதா என்ற கேள்விக்கு உறுதியான விடை கிடைத்துவிட்டது.

ஆம், சிவா இயக்கத்தில் அஜீத் நடித்து வரும் புதுப் படம் வரும் தீபாவளிக்கு உலகெங்கும் அமர்க்களமாய் வெளியாகப் போகிறதாம்.

கொல்கத்தாவில் நடந்து வந்த படப்பிடிப்பு முடிந்து சென்னை வந்துவிட்டது படக் குழு. இதுவரை முக்கால்வாசி படப்பிடிப்பு முடிந்துவிட்டது.

அடுத்தகட்டப் படப்பிடிப்பு இன்னும் சில நாட்களில் சென்னையில் தொடங்கவிருக்கிறது. அதில் மொத்தப்படப்பிடிப்பும் முடிவடைந்துவிடும் என்று சொல்லப்படுகிறது.

படத்தை நவம்பர் பத்தாம்தேதி தீபாவளியன்று வெளியிடத் திட்டமிட்டுள்ளதாகப் படத்தின் தயாரிப்பாளர் ஏ.எம்.ரத்னம் தெரிவித்துள்ளார்.

அதெல்லாம் சரிதான்... படத்துக்கு பேரு என்னாங்க... தீபாவளிக்குள்ளேயாவது சொல்லிடுவீங்களா?!