அஜித்திற்கு கோபமே வராததுக்கு இது தான் காரணமாம்...டிரெண்டிங்கில் அதிர வைக்கும் ரசிகர்கள்

மாறும் வலிமை ரிலீஸ் நேரம்

கேரளாவில் டிக்கெட் புக்கிங் இன்று காலை துவங்கி நடைபெற்று வருகிறது. திருவனந்தபுரத்தில் ரசிகர்கள் ஷோ காலை 5 மணிக்கு திரையிடப்பட உள்ளதாக தெரிவிக்கப்பட்டுள்ளது. தமிழகத்தில் பிப்ரவரி 24 ம் தேதி மட்டுமின்றி தொடர்ந்து 4 நாட்களும் முதல் ஷோ காலை 4 மணிக்கு திரையிடப்பட உள்ளது. மலேசியா மற்றும் அமெரிக்கா போன்ற நாடுகளில் எந்தெந்த தியேட்டர்களில் வலிமை ரிலீசாக உள்ளது என்ற பட்டியல் ஏற்கனவே வெளியிடப்பட்டு விட்டது.

வலிமை 2 வருதா

வலிமை ரிலீஸ் நெருங்கி வரும் நிலையில், வலிமை படம் பற்றி போனி கபூர் கொடுத்துள்ள பேட்டியும், அவர் வெளியிட்டு வரும் ப்ரோமோ வீடியோக்களும் செம வைரலாகி வருகின்றன. ரசிகர்கள் தொடர்ந்து கோரிக்கை வைத்து வருவதால் வலிமை 2 படமும் விரைவில் உருவாகும் என அவர் தெரிவித்துள்ளார். அதனால் ஏகே 61, வலிமை 2 என அடுத்தடுத்து அஜித்தை வைத்து படம் எடுத்த போனி கபூர் திட்டமிட்டுள்ளதாக கூறப்படுகிறது. வலிமை 2 ம் வருகிறது என்ற தகவல் ரசிகர்களுக்கு டபுள் ட்ரீட்டாக அமைந்துள்ளது.

அஜித்திடம் ஹுமா கேட்ட கேள்வி

இதற்கிடையில் இன்று #AjithKumar என்ற ஹேஷ்டேக் மீண்டும் ட்விட்டர் டிரெண்டிங்கில் முதல் இடம் பிடித்துள்ளது. இதற்கு காரணம் வலிமை ரிலீசிற்கு தயாராகி வருவது மட்டுமல்ல. அஜித் பற்றிய மற்றொரு தகவல் வெளியாகி உள்ளதும் தான். வலிமை ஷுட்டிங்கின் போது நடிகை ஹுமா குரேஷி, நீங்கள் எப்படி யார் மீதும் கோபப்படாமல் இருக்கிறீர்கள் என அஜித்திடம் கேட்டுள்ளார். அதற்கு அஜித், என் மீது திருப்பி கோபத்தை காட்ட முடியாத நிலையில் இருக்கும் யார் மீதும் கோபத்தை வெளிப்படுத்தும் உரிமை எனக்கு கிடையாது என்றுள்ளார்.

இந்த மனசு தான் சார் கடவுள்

சக மனிதர்களை மதிக்கும் அஜித்தின் இந்த குணத்தை கொண்டாட தான் ரசிகர்கள் அஜித்தை டிரெண்டிங் ஆக்கி உள்ளனர். வலிமை பற்றிய தகவல்களும், அஜித்திற்கு பாராட்டுக்களும் தொடர்ந்து சோஷியல் மீடியாவை அதிர வைத்து வருகிறது. இந்த நல்ல மனசு தாங்க கடவுள் என அஜித்தின் குணங்களை பாராட்டி வருகின்றனர்.