துணிவு திரைப்படம் ரிலீஸாவதில் திடீர் சிக்கல்... ஷாக்கான அஜித் ரசிகர்கள்... இதுதான் காரணமா?

பொங்கல் ரேஸில் அஜித்தின் துணிவு

அஜித் - ஹெச் வினோத் கூட்டணியில் உருவான வலிமை திரைப்படம் கடந்தாண்டு வெளியானது. இந்தப் படத்துக்கு நெகட்டிவான விமர்சனங்கள் கிடைத்தாலும், பாக்ஸ் ஆபிஸில் 100 கோடிக்கும் மேல் வசூலித்தது. இதனையடுத்து அஜித் - ஹெச் வினோத் கூட்டணியில் உருவாகியுள்ள துணிவு, வரும் 11ம் தேதி ரிலீஸ் என அறிவிக்கப்பட்டுள்ளது. ஏற்கனவே இந்தப் படத்தின் ட்ரெய்லர் வெளியாகி, ரசிகர்களின் எதிர்பார்ப்பை எகிற வைத்துள்ளது. அதேநேரம் விஜய்யின் வாரிசு திரைப்படமும் பொங்கல் பண்டிகையை முன்னிட்டு அதே 11ம் தேதி ரிலீஸாகிறது.

ரிலீஸ் தேதியில் மாற்றம்?

அஜித்தின் துணிவு திரைப்படம் வங்கி கொள்ளையை பின்னணியாக வைத்து ஆக்‌ஷன் ஜானரில் உருவாகியுள்ளது. துணிவு ட்ரெய்லரில் கூட தாறுமாறான ஆக்‌ஷன் காட்சிகள் ரசிகர்களை சிலிர்க்க வைத்தன. அதேநேரம் வாரிசு ட்ரெய்லர் வெளியானதில் இருந்து, ரசிகர்களிடம் அந்தப் படத்தின் மீதான எதிர்பார்ப்பு அதிகரித்துள்ளதாம். வாரிசு திரைப்படம் ஃபேமிலி சென்டிமெண்டலாக இருக்கும் என்பதால் தான் இந்த மாற்றம் என சொல்லப்படுகிறது. இதனால், துணிவு படத்தை ஒருநாள் முன்னதாக 10ம் தேதி ரிலீஸ் செய்யலாம் என படக்குழு முடிவு செய்துள்ளதாக சொல்லப்படுகிறது. இதுகுறித்து விரைவில் அறிவிப்பு வெளியாகலாம் என எதிர்பார்க்கப்படுகிறது.

திடீரென வந்த சிக்கல்

இந்த நிலையில் தான் துணிவு திரைப்படம் வெளியாவதில் திடீரென சிக்கல் ஏற்பட்டுள்ளதாம். முன்னதாக சென்சாருக்கு சென்ற துணிவு படத்தில் நிறைய கெட்ட வார்த்தைகள் இருப்பதாக அதனை அதிகாரிகள் கட் செய்து பீப் வைத்துள்ளதாக சொல்லப்பட்டது. அதேபோல் சில ஆக்‌ஷன் காட்சிகளில் Violence அதிகம் இருப்பதாகவும் சென்சார் அதிகாரிகள் கூறியுள்ளார்களாம். மேலும் இதன் காரணமாக தான் துணிவு படத்துக்கு யு/ஏ சர்டிபிகேட் கிடைத்துள்ளதாகவும் செய்திகள் வெளியாகின. இந்நிலையில், Violence, கெட்ட வார்த்தைகள் அதிகம் இருப்பதால், துணிவு படத்தை சவுதி அரேபியாவில் ரிலீஸ் செய்ய அந்நாட்டு அரசு தடை செய்துள்ளதாக தகவல் வெளியாகியுள்ளது.

ரசிகர்கள் ஏமாற்றம்

இந்த செய்தியால் சவுதியில் உள்ள அஜித் ரசிகர்கள் ஏமாற்றத்தில் உள்ளனர். சவுதி அரேபியாவில் துணிவு படத்தை எதிர்பார்த்து இருந்த ரசிகர்கள், இந்த தடை பிரச்சினைக்கு தீர்வு கிடைக்குமா என எதிர்பார்த்துள்ளனர். சமீபத்தில் மோகன்லாலின் மான்ஸ்டர் திரைப்படமும் சவுதியில் தடை செய்யப்பட்டது குறிப்பிடத்தக்கது. இதேபோல் மேலும் சில திரைப்படங்கள் அதிக Violence இருப்பதாகக் கூறி சவுதியில் தடை செய்யப்பட்டுள்ளது குறிப்பிடத்தக்கது.