ராஜமெளலி படம் அளவுக்கு எகிறிய புஷ்பா 2 பட்ஜெட்.. விஜய்சேதுபதியின் அதிரடி என்ட்ரி தான் காரணமா?

பிளாக்பஸ்டர் புஷ்பா

இயக்குநர் சுகுமார் இயக்கத்தில் அல்லு அர்ஜுன், ராஷ்மிகா மந்தனா, பகத் ஃபாசில் நடிப்பில் கடந்த ஆண்டு இறுதியில் வெளியான புஷ்பா திரைப்படம் மிகப்பெரிய வசூல் வேட்டை நடத்தியது. செம்மரக் கடத்தலை பின்னணியில் கொண்டு நடந்த மாஃபியா கேங் வாரின் கதையாக புஷ்பா தி ரைஸ் திரைப்படம் இருந்தது. அதன் இரண்டாம் பாகம் புஷ்பா தி ரூல் ஆக உருவாகி வருகிறது.

புஷ்பா 2வில் விஜய்சேதுபதி

புஷ்பா படத்திலேயே வில்லனாக விஜய்சேதுபதியை தான் தேர்வு செய்து இருந்தார் இயக்குநர். ஆனால், ஏகப்பட்ட படப்பிடிப்பு காரணமாக அதை விஜய்சேதுபதி தவிர்த்து விட்டார். ஆனால், விடாப்பிடியாக இரண்டாம் பாகத்தில் இன்னொரு மிரட்டலான வில்லன் கதாபாத்திரத்திற்கு விஜய்சேதுபதியை கொண்டு வந்திருக்கிறார். இந்த முறை மறுப்பு தெரிவிக்க முடியாத நிலையில், சம்மதம் தெரிவித்துள்ளார் விஜய்சேதுபதி.

அதிக சம்பளம்

நடிகர் விஜய்சேதுபதிக்கு புஷ்பா 2 படத்தில் வில்லனாக நடிக்க பெரும் தொகை சம்பளமாக பேசப்பட்டுள்ளதாக தகவல்கள் வெளியாகி உள்ளன. இந்தியில் ஒரு வெப்சீரிஸ்க்கு நடிக்கவே 35 கோடி வரை விஜய்சேதுபதிக்கு சம்பளம் பேசியுள்ளதாக தகவல்கள் வெளியாகி உள்ளன. புஷ்பா படத்தில் வில்லனாக நடிக்க 15 முதல் 20 கோடி வரை சம்பளம் தர ரெடியாக இருந்த நிலையில், தான் அவர் ஓகே சொன்னதாகவும் தகவல்கள் வலம் வருகின்றன.

ராஜமெளலி பட ரேஞ்சுக்கு பட்ஜெட்

புஷ்பா 2 படத்தின் பட்ஜெட் இயக்குநர் ராஜமெளலி பட ரேஞ்சுக்கு தற்போது 350 கோடியாக அதிகரித்துள்ளது என அட்டகாசமான ஹாட் அப்டேட்கள் கசிந்துள்ளன. கேஜிஎஃப் 2 படத்தின் 2ம் பாகம் ஆயிரம் கோடிக்கும் மேல் வசூல் செய்த நிலையில், புஷ்பா படத்தின் முதல் பாகம் வசூல் செய்த 350 கோடியை மொத்தமாக கொட்டி 1000 கோடி வசூலை அள்ள மைத்ரி மூவி மேக்கர்ஸ் முழு மூச்சில் செயல்பட்டு வருவதாக கூறுகின்றனர்.

ராஷ்மிகா கழுத்தை அறுக்கப் போறாரா

விக்ரம் படத்தில் காயத்ரியின் கழுத்தை அறுத்த விஜய்சேதுபதி, புஷ்பா 2 படத்தில் ஹீரோயின் ராஷ்மிகா மந்தனாவின் கழுத்தை அறுக்க போறாரா என்கிற கேள்வியும் எழுந்துள்ளது. புஷ்பா தி ரைஸ் படத்தில் ராஷ்மிகா மந்தனாவின் ஸ்ரீவள்ளி கதாபாத்திரம் சாகடிக்கப்படும் என்றும் தகவல்கள் வெளியான நிலையில், அந்த சம்பவத்தை விஜய்சேதுபதி தான் ரண கொடூரமாக செய்யப் போகிறரா என்றும் ரசிகர்கள் எதிர்பார்ப்புகளை எகிற விட்டு வருகின்றனர்.