அதிசயம் நடக்கட்டும்: 'அம்மா'வுக்காக இறைவனிடம் கையேந்தி நிற்கும் கோலிவுட்

By Siva

Published: Monday, December 5, 2016, 16:03 [IST]

சென்னை: அதிசயம் நடந்து அம்மா பிழைத்து வர வேண்டும் என்று கோலிவுட் பிரபலங்கள் சமூக வலைதளங்களில் தெரிவித்துள்ளனர்.

கடந்த செப்டம்பர் மாதம் 22ம் தேதியில் இருந்து சென்னை அப்பல்லோ மருத்துவமனையில் இருக்கும் முதல்வர் ஜெயலலிதாவின் உடல்நிலை இன்று மோசமாக உள்ளது. ஜெயலலிதாவின் நிலைமை மிக மிக மோசமாக இருப்பதாக அவருக்கு சிகிச்சை அளித்த லண்டன் டாக்டர் ரிச்சர்ட் பியல் அறிக்கை வெளியிட்டுள்ளார்.

இந்நிலையில் அம்மா குணமடைய கோலிவுட் பிரபலங்கள் பிரார்த்தனை செய்து வருகிறார்கள். இது குறித்து அவர்கள் ட்விட்டரில் கூறியிருப்பதாவது,

குஷ்பு

அனைத்தும் தோல்வி அடையும்போது அதிசயம் நடக்கும் என நம்புவோம். அதிசயம் நடக்க தமிழக முதல்வருக்காக இந்தியா பிரார்த்தனை செய்கிறது. சீக்கிரம் குணமடைந்து வாருங்கள் அம்மா.