லைக்ஸை அள்ளும் “அன்புள்ள கில்லி” செல்ல பிராணிகளின் அன்பை சொல்லி ... திரைப்பட டீஸர் !

ஐஸ்வர்யா ராஜேஷ்

இணையத்தில் வெளியான இப்படத்தின் டீஸருக்கு ரசிகர்கள் பெரிய வரவேற்பு தந்து வருகிறார்கள்.
இயக்குநர் ராமலிங்கம் ஶ்ரீநாத் இது குறித்து கூறியதாவது... எங்கள் படத்தின் டீஸரை பெரும் ரசிகர் கூட்டத்திடம் கொண்டு சேர்த்த, பாலிவுட்டின் உச்ச நட்சத்திரமான சுனில் ஷெட்டி மற்றும் ஐஸ்வர்யா ராஜேஷ், சூரி ஆகியோருக்கு எங்கள் குழுவினர் சார்பில் பெரும் நன்றியினை தெரிவித்து கொள்கிறென்.

திரையரங்கில் குடும்பங்கள்

டீஸருக்கு ரசிகர்கள் தந்து வரும் பேராதரவு எங்கள் படத்தின் வெற்றி மீதான நம்பிக்கையை பெருமளவில் உயர்த்தியிருக்கிறது. திரையரங்கில் குடும்பங்கள் கொண்டாடும் படைப்பாக "அன்புள்ள கில்லி" திரைப்படத்தை வழங்க ஆவலுடன் காத்திருக்கிறோம் என்றார்.

ராமலிங்கம் ஶ்ரீநாத்

"அன்புள்ள கில்லி" திரைப்படத்தை இயக்குநர் ராமலிங்கம் ஶ்ரீநாத் எழுதி, இயக்கியுள்ளார். Rise East Entertainment Pvt Ltd மற்றும் Master Channel சார்பில் ஶ்ரீநிதி சாகர், E. மாலா இப்படத்தினை தயாரிக்கிறார்கள். இப்படத்தில் மைத்ரேயா ராஜசேகர், துஷாரா விஜயன் மற்றும் சாந்தினி தமிழரசன் முதன்மை கதாப்பாத்திரங்களில் நடிக்கிறார்கள் மேலும் மைம் கோபி, VJ ஆஷிக், நாஞ்சில் விஜயன், இளவரசு, பூ ராமு, இந்துமதி, ஶ்ரீரஞ்சனி மற்றும் பேபி கீர்த்திகா முக்கிய பாத்திரங்களில் நடித்துள்ளார்கள்.

உணர்வுபூர்வமாக இருக்கும்

செல்ல பிராணிகளுடன் அளவு கடந்த பாசத்தை சொல்லும் பல படங்கள் தமிழ் சினிமாவில் வந்து இருந்தாலும் இந்த படம் மிகவும் புதிய திரைக்கதையுடன் வித்யாசமான காட்சிகளுடன் மகிழ்விக்கும் விதமாக, உணர்வுபூர்வமாக இருக்கும் என்பதில் உத்தரவாதம் கொடுக்கின்றனர் இந்த பட குழுவினர் .பொறுத்திருந்து பார்ப்போம் "அன்புள்ள கில்லி" சொல்லி வைத்தது போல் மக்கள் மனதில் துள்ளி வருகிறதா என்று விரைவில் காணலாம்