இவருக்கே அரபிக் குத்து வரலியாமே... அப்போ விஜய்யை தவிர யாராலையும் முடியாதா ?

வாத்தி கம்மிங்கையே மிஞ்சிடுச்சு

பீஸ்ட் ஃபஸ்ட் சிங்கி, மாஸ்டர் படத்தில் வரும் வாத்தி கம்மிங்கையே மிஞ்சி விடும் என்றார்கள். ஆனால் அப்போதெல்லாம், ஓவர் பில்ட்அப்பாக இருக்கே என அனைவரும் கூறினார்கள். ஆனால் அது உண்மை தான் என அந்த பாடல் நிரூபித்து விட்டது. அர்த்தம் புரியாவிட்டாலும் இந்த பாடல் அனைவரையும் கவர்ந்து, தன்னை அறியாமல் ஆட்டம் போட வைத்து விட்டது. ஹலமதி ஹபிபோ பாடல் லிரிக்கல் வீடியோ வெளியாகி மூன்று நாட்கள் ஆகி விட்டது ஆனாலும் இதன் வைப் கொஞ்சமும் குறையாமல் அதிகரித்து வருகிறது.

எங்கும் அரபிக்குத்து தான்

சின்னத்திரை, சினிமா என பாகுபாடு இல்லாமல் எல்லா பிரபலங்களும் அரபிக்குத்து பாடலில் விஜய் போட்ட ஸ்டெப்பை ஆடி வீடியோ வெளியிட்டு வருகிறார்கள். யாரை பார்த்தாலும் அரபிக்குத்தாகவே இருக்கு. மற்றவர்கள் தான் இதற்கு ஆடுகிறார்கள் என்றால், இந்த பாட்டில் விஜய்யுடன் ஆடிய பூஜா ஹெக்டேவும் அரபிக்குத்திற்கு டான்ஸ் ஆடி வீடியோ வெளியிட்டு அசத்தி உள்ளார்.

அட இவரும் ஆடிட்டாரா

பூஜா மட்டும் இல்லை இன்று, இந்த பாட்டிற்கு இசையமைத்த அனிருத்தும் அரபிக்குத்துக்கு டான்ஸ் ஆடி, வீடியோ வெளியிட்டுள்ளார். அதுவும் தனியாக இல்லை. தனது டீம்முடன் சேர்ந்து. இதற்கு எக்கச்சக்கமாக லைக்குகள் ஒரு பக்கம் குவிந்து வருகிறது. இருந்தாலும் அனிருத் போட்ட கேப்ஷன் தான் அனைவருக்கும் ஷாக் கொடுத்துள்ளது.

Recommended Video

அரபிக்குத்து பாட்டுக்கு ஆட்டம் போட்ட சமந்தா.. அட.. இவங்களையே ஹீரோயினா போட்டு இருக்கலாம்!

எனக்கு வரலியேப்பா

அனிருத் பதிவிட்டுள்ள கேப்ஷனில், இது ஐந்தாவது டேக். அப்படியும் சரியாக வரவில்லை என தெரிவித்துள்ளார். இதை பார்த்து ஆச்சரியப்பட்ட ரசிகர்கள், இவருக்கே அரபிக்குத்து வரலியா. அப்போ அந்த ஸ்டெப்பை சரியா போட தெரிந்த ஒரே ஆள் விஜய் மட்டும் தானா என ஆச்சரியம் தெரிவித்து வருகிறார்கள். இசையமைப்பாளராக இருந்தாலும் அனிருத்திற்கு டான்ஸ் ஒன்றும் புதிதல்ல. அவர் பல மியூசிக் வீடியோ, காத்து வாக்குல ரெண்டு காதல் படத்தில் டூ டூட்டூ பாடலுக்கும் ஆடி உள்ளார். அவருக்கே ஐந்து டேக் போயும் வரவில்லையா என கேட்டு வருகிறார்கள்.