இறைவியில் பூஜா விலகல்... விஜயசேதுபதியுடன் ஜோடி சேரும் நடிகை அஞ்சலி!

இறைவி படத்தில் விஜய் சேதுபதியுடன் முதல் முறையாக ஜோடி சேரப் போகிறார் நடிகை அஞ்சலி.

கார்த்திக் சுப்பராஜ் இயக்கும் இந்தப் படத்தில் விஜய சேதுபதி, எஸ் ஜே சூர்யா, பாபி சிம்ஹா உள்ளிட்டோர் நடிக்கின்றனர்.

சமீபத்தில் இந்தப் படத்தை பூஜை போட்டு ஆரம்பித்தாலும், இதுவரை நாயகி இல்லாமலேயே ஷூட்டிங்கை நடத்தி வந்தனர்.

இப்போது அஞ்சலியை படத்தின் ஒரு நாயகியாக ஒப்பந்தம் செய்துள்ளனர். மற்ற நாயகியை இனிமேல்தான் ஒப்பந்தம் செய்ய உள்ளனர்.

விஸ்வரூபம், உத்தம வில்லன் படங்களில் நடித்த பூஜா குமார்தான் படத்தின் நாயகி என்று கூறப்பட்டு வந்தது. இபேபோது திடீரென அவருக்கு பதில் அஞ்சலி வந்துள்ளார்.

கமல் மாதிரி பெரிய ஹீரோக்களின் படங்களில் மட்டும்தான் நடிப்பேன் என பூஜா முடிவு செய்திருப்பதாலேயே அவர் விலகியதாகக் கூறப்படுகிறது.